Gæslumenn.

Einn af bloggurunum hér telur sig gæslumann réttlætisins. Ég var að lesa fjálglegan pistil hans og hólræðu um einn frjálshyggjupostulann sem gjarnan skrifar hér pistla um Ísrael og dásemdir þess ríkis. Þessi guðfræðingur má vart vatni halda yfir skrifum postulans. Ekki veit ég hver hefur skipað þennan mann gæslumann réttlætisins. Líklega er hann nú bara sjálfskipaður. Hann talar líka oft um kristin gildi. Lýsir gjarnan skoðunum sínum á samkynhneigð og fóstureyðingum. Þar er hann að sjálfsögðu gæslumaður réttlætisins. Hann á fullan rétt á að hafa sínar skoðanir og láta þær í ljós. Það eigum við hin líka. Þessum guðsmanni væri þó hollt að minnast orða Krists: Dæmið ekki, svo þér verðið ekki dæmdir.

Ekkert hefur skaðað mannkynið meira en trúarbrögðin. Það sýnir sagan. Mörg af mestu myrkra- og glæpaverkum mannkynssögunnar hafa verið drýgð í nafni trúarinnar. Kannski er gæslumaður réttlætisins annarar skoðunar. Hann á líka fullan rétt á því. En sumt af því sem hann skrifar veldur mér depurð. Einhvernveginn finnst mér að gæslumaður réttlætis eigi að vera víðsýnn og umburðarlyndur. Laus við ofstæki og þröngsýni. Og láti það vera að dæma alla sem ekki eru sammála honum. Megi dagurinn færa ykkur gleði.

Athugasemdir

[Haukur Nikulásson, 10.8.2007 kl. 11:36]

Kvitta á þetta Sigurður. Öfgamennirnir eru ótrúlegir í framsetningu sinni á lífsgildunum.

[Marta B Helgadóttir, 14.8.2007 kl. 12:35]

Sæll. Mig langar til að biðja þig að lesa og kommenta frumraun mína á opinberum ritvelli, smásaga sem ég var að birta á bloggsíðunni minni. Takk innilega fyrir.

Slóðin er þessi:

http://martasmarta.blog.is/blog/marta/