Nokkuð langt gengið.

Það eru nú ýmsar ástæður fyrir að dregist geti að fara með bílinn í skoðun. Fjárhagur margra er í rjúkandi rústum. Í fyrsta sinn í mörg ár náði ég ekki að borga bifreiðagjöldin á réttum tíma og fékk því á mig dráttarvexti. Jóhanna sagðist vera búinn að lækka þá. Þeir eru nú samt enn 25.1%. Kannski fáum við svona eins og eitt prósentustig til viðbótar í dag. Nú geta fáir venjulegir launamenn lækkað yfirdráttinn í bankanum. Enn síður þeir sem enga atvinnu hafa. Þetta eru dýrustu lán heimilanna. Og við borgum nú ekki bara okurvexti af lánunum okkar. Það þarf næstum orðabók yfir allt hitt. Innheimtulaun, innheimtukostnaður, viðvörunargjald, vanskilagjald, vanskilakostnaður, ítrekunargjald. Mér kæmi ekki á óvart að við fáum líka hótunargjald. Ef engu er sinnt taka innheimtufyrirtækin við. Intrum, Momentum og hvað þau nú öll heita. Þá fáum við aukaálögur. Þær renna ekki bara til innheimtufyrirtækjanna. Ríkið heimtar t.d. bæði fjárnámsgjöld og uppboðsgjöld. Og við verðum að borga meðan blóðið rennur í æðum okkar. Glæpahyskið sem setti okkur á hausinn er samt stikkfrí. Glottir út í annað og fær 75 milljónir að láni til að klára vínkjallarann í höll sumarlandsins. Andskotans fokking helvíti bara. 

Vanrækslugjaldið hefur fært ríkinu tugi milljóna

Athugasemdir

[sterlends, 8.4.2009 kl. 09:07]

Ég er algjörlega ósammála þér með bifreiðaskoðunina. Það átti að vera löngu búið að taka á þessu liði sem trassar það endalaust að láta skoða bílana sína. Ef það hefur ekki efni á að láta skoða bílinn sinn, á það ekki að eiga bíl. Það er öryggi fyrir mig ef bíllinn þinn er skoðaður og yfirfarinn á hverju ári.  En það er annað mál sem mætti endurskoða. Fyrrverandi viðskiptaráðherra setti hámark á innheimtukostnað í bönkum, 900kr. Það komu engin mótmæli frá bönkunum í kjölfarið, sem mér fannst undarlegt. En viti menn.......nýr liður sem heitir "millibankainnheimta" !! Plús 900 kallinn. Við fáum að borga...andskotans fokking helvíti segi ég bara líka

[Jón Þór Benediktsson, 8.4.2009 kl. 10:13]

Ég fór með bílinn minn í skoðun þann 31. mars síðastliðinn. Síðasti stafurinn segir til um skoðunarmánuðinn og svo er gefinn 2 mánaða frestur. Ég átti ekki fyrir skoðuninni fyrr en þennan dag og athugaði ég því hjá skoðunarstöðinni hvort ég væri of seinn, Nei var svarið en þetta er síðasti dagurinn sem ég hefði til þess. Allt í lagi ég fer með bílinn og fæ á hann skoðun og allt í góðu með það.

   Síðastliðin mánudag kemur bréf frá sýslumanninum í Bolungarvík.  Þar segir að vegna þess að ég hafi EKKI fært ökutækið til aðalskoðunnar í samræmi við reglugerð nr 8/2009 um skoðun ökutækja. Því sé með vísan til 67. grein umferðalaga og VI. kafla reglugerðarinnar lagt á vanrækslugjald kr 15.000 sem ég sem umráðamaður ökutækis skuli greiða við skoðun þess.

   Ökutækið var fært til skoðunnar fyrir tilskilinn tíma og því til staðfestu hef ég skoðunnarvottorð ökutækisins.

   Finnst allt í lagi að ég fái afsökunnarbeiðni vegna þessa bréfs sýslumannsins í Bolungarvík.

   Spurning með hvort það séu margir milljarðar sem ljóshærða flugfreyjan og sköllótti jarðfræðingurinn ætli að ná sér í svona til að reka ríkissjóð.

[Jón Þór Benediktsson, 8.4.2009 kl. 10:14]

hmmm hvað gerðist af hverju er þetta með misjafnri leturstærð?

[Haraldur Bjarnason, 8.4.2009 kl. 10:18]

Sammála þér Sigurður. Nú er tími afætanna. Þær halda velli.