Góður bandamaður.

Þetta kemur mér ekki á óvart. Bjarni Harðarson lætur skynsemina ráða. Fullyrðingar samfylkingarfólks um að við getum samið okkur undan sjávarútvegsstefnu ESB eru alrangar. Reyndar gildir það sama um auðlindir okkar á landi.Þeir vita það jafnvel sjálfir þó það sé talið henta að halda öðru fram nú. VG hefur sagt að þjóðin eigi að ráða. Hvað er lýðræðislegra en það? ESB áróðurinn er hreint trúboð. Góður liðsmaður hefur nú bæst í hóp stuðningsmanna VG hér á suðurlandi. Ég óska Bjarna til hamingu með þessa ákvörðun.

Bjarni Harðarson styður VG

Athugasemdir

[Sigurjón Pálsson (IP-tala skráð) 21.4.2009 kl. 14:10]

Samfylkingin ætlar inn í ESB eins fljótt og hægt er eftir kosningar. 

VG gengur heitbundin SF til kosninga og verður þar með hækja Samfylkingarinnar inn í ESB.

Glæsilegt hlutskipti það, fyrir ykkur VG menn og konur og Bjarna.

[Heimir Tómasson, 21.4.2009 kl. 19:50]

VG er flokkur sem lætur ekki einusinni eigin flokksmenn raða á lista. Nei, það skal fara eftir hvort  pípulagnirnar eru innan- eða utanáliggjandi í hvaða sæti menn lenda á framboðslistum þar, ekki hve margir kusu þá. Hvað er lýðræðislegt við það? Hvað varð um að kjósa fólk sem maður treystir? Af hverju treystir flokkurinn ekki stuðningsmönnum sínum til að kjósa rétt? Á ég að kjósa svoleiðis flokk?

Held ekki.

[Sigurður Sveinsson, 21.4.2009 kl. 20:49]

VG verður aldrei hækja SF. Yfirlætið í Jóhönnu, Björgvin og Árna Páli mun koma þeim í koll. Og það gæti líka farið svo að VG yrði stærri en SF að kosningum loknum. Við skulum bara bíða fram á laugardag. Ég get tekið undir með Heimi að kynjakvótinn er bara þvæla. Ég hef haldið að fólk noti höfuðið í pólitíkinni en kynfærin við skemmtilegri iðju.

[Sigurjón Pálsson (IP-tala skráð) 22.4.2009 kl. 09:40]

Sf og VG ætla að vinna saman eftir kosningar. 

Annar ætlar þá inn í ESB.  Hinn ætlar ekki þangað. 

Þegar gengið er á frambjóðendur þeirra um það hvernig þessi misvísandi loforð verði haldin, upphefst einhver svæsnasti undanflæmingur í íslenskri konsingabaráttu, nokkru sinni.  Menn standa hreinlega á gati.  Að að þeir Steingrímur J. , Ögmundur (jæja látum hann nú vera því það er nú farið að kvarnast úr trúverðugleika hans) og aðrir stórasannleikshandhafar VG undanfarinna ára láti nú fyrir kosningar hanka sig á fláræði, og undirlægjuskap,  ja því hefði ég ekki trúað fyrir nokkrum mánuðum.  Það er að koma í ljós að sami sitjandinn er undir öllum þessum kónum, sama hvar í flokki þeir eru.

Það verður of seint að iðrast X-ins við VG, eftir kosningar, þegar samkomulag það, sem báðir heita að nást muni eftir kosningar um það hvernig Ísland skuli leitt í hásali Evrópusambandsins, verður orðið að veruleika.

Fari þetta svo, sem allt bendir til, þá á ég ekkert betra orð yfir VG en hækja, og teldist það pent orðað af mér því mér kemur mörg svæsnari í hug.