Bara Suðurnes?

Það er nú atvinnuleysi víðar í suðurkjördæmi en á Romshvalanesi. Er eðlilegt að afhenda alla tiltæka orku í eitt 360.000 t álver? Að sjálfsögðu ekki þó ég hafi fulla samúð með atvinnulausu fólki þar. Þetta er alveg sama dæmið og með Bakkaálverið. Það myndi gleypa alla virkjanlega jarðhitaorku á norðurlandi. Það hefur verið margsýnt framá að störf í álverum eru allt of dýru verði keypt. Auk þess hefur raforka til álvera verið seld á hraksmánarlega lágu verði og mestur hluti arðsins af starfsemi þeirra rennur úr landi. Við þurfum nýja hugsun og ný markmið. En því miður er lítil von til þess nú. Það er fyrst von til þess þegar okkur tekst að losna við svona 90% af þingmönnunum sem nú sitja á Alþingi. Landið hleypur ekki burt frá okkur. Nema Jóhönnu takist að afhenda það upp í skuldir glæpamanna. Orkuverð mun fara ört vaxandi í heiminum á næstu árum. Og við munum hafa góða vexti af auðlindum okkar og óþarfi að fórna þeim öllum strax. Bandaríkjamenn urða t.d. miklu meira ál ár hvert en okkur tekst að framleiða. Við skulum byrja á að stórauka fiskveiðiheimildir okkar. Svo breytum við kvótakerfinu á nokkrum árum. Þá hættir arðurinn af fiskveiðiauðlindinni að hverfa út úr greininni í sumarhús, rangerovera, þyrlur og snekkjur. Við eigum þetta allt saman en nú njóta tiltölulega fáir ávaxtanna.

Töfum í atvinnuuppbyggingu beint gegn tekjulágum

Athugasemdir

[Eyjólfur Jónsson, 12.10.2009 kl. 21:53]

Siggi minn, þú færð alla þá orku sem þarf á að halda hjá honum Gissuri. Hann er búinn að fullkomna kjarnorkuverið sitt loksins. Þetta sama orkuver sem Stína í Tryggvaskála var svo hrædd við og reyndar Ella danska líka. Hún er stækkanleg þessi og nær bráðum alla leið til Magnúsar í Haga. Magnús hefur reyndar kvartað undan reyk frá tilraunum Gissurar í mörg ár, alveg eins og Gústi Morthens en án árangurs held ég.

[Sigurður Sveinsson, 13.10.2009 kl. 04:09]

Sæll Eyvi. Það er kominn tími á þetta kjarnorkuver eftir 60 ára þróun. Ella og Stina hættar að kvarta og búið að jafna Haga við jörðu. Gústi verður að láta sér Hrefnu sína nægja. Áfram Selfoss!