Sigurður Sveinsson

19.11.2012 | 16:20

Rekaldið.

Tek undir þetta hjá félaga Hjörleifi. Steingrímur formaður og náhirðin í kring um hann eru að ganga af VG dauðum. Og ekki bara vegna umsóknarinnar um aðild að ESB heldur framkomu þeirra við þá sem hafa vogað sér að andæfa og viljað standa við gefin loforð. Hreinsanirnar eru löngu hafnar. Þrír þingmenn horfnir á brott, Guðfríður Lilja, einn af öflugri þingmönnum flokksins á förum, Jón Bjarnason löngu kominn á ís, og nú er unnið skipulega að því að koma Ögmundi á kné. Einn af náhirðinni, skósveinn formannsins, ætlar sér forustuna í Kraganum með flokksvélina með sér. Það er þó nánast eina von VG í þessu stóra kjördæmi að Ögmundur verði í 1 sætinu. Ég bý sjálfur í suðurkjördæmi og hér á VG ekki fluguséns á þingsæti á næsta ári. Fótgönguliðarnir í grasrót VG munu margir yfirgefa flokkinn í vor. Ég fagnaði ákaft stofnun flokksins 1999 og var verulega stoltur afað fá tækifæri til að kjósa hann. Það gerði ég líka 2003, 2007 og 2009. En ég ætla ekki að kjósa ósjálfbært rekald aftan í Samfylkingunni. Vonbrigðin eru að vonum mikil en formaðurinn hefur séð til þess að þúsundir annara kjósenda eru að yfirgefa þetta sökkvandi rekald.

	Segir VG „ósjálfbært rekald“
Ábyrgðarmaður færslu Tilkynna um óviðeigandi tengingu við frétt

Bloggar | Slóð | Facebook | Athugasemdir (3)

16.11.2012 | 08:27

Glóra.

Það er gott til þess að vita að ekki skuli allir samfylkingarliðar láta pólitíkina villa sér sýn. Þetta er auðvitað laukrétt hjá Kristínu Heimisdóttur. Forsætisráðherrann er nú heldur ekki skærasta stjarnan í pólitíkinni. Sérfræðinanefndinni var falið að yfirfara tillögur stjórnlagaráðs með þeim takmörkunum að mega alls ekki leggja til efnisbreytingar á þeim. Og það er líka rétt hjá Kristínu að lagatækni eða lögtækni er hugtak sem hefur enga fræðilega skýringu innan lögfræðinnar. Mest notað af fólki með mikla minnimáttarkennd gagnvart þeim sem einhver skil kunna á íslenskri lögfræði. Og þá í niðrunartilgangi sem er afar áberandi hjá mörgum bloggurum t.d. Jónasi Kristjánssyni ritstjóra. Sá þekkir varla verra skammaryrði en orðið lagatæknir. Sérfræðinganefndin hefur lagt til a.m.k. 85 breytingar á orðalagi vitringanna í stjórnlagaráði. Hún hefur líka lagt til að fengnir verði erlendir sérfræðingar til ráðuneytis um tillögurnar. Jafnvel Valgerður Bjarnadóttir hefur ljáð máls á að svo verði gert. En þó því aðeins að það rúmist innan tímaramma. Hvaða tímaramma? Æðibunugangurinn við að reyna að þvinga þessar breytingar í gegn er slíkur að óbætanlegt tjón getur af því hlotist.Forsætisráðherra segir að að álit sérfræðinganefndarinnar sé gæðastimpill. Á sama tíma lýsir sá sami forsætisráðherra að nokkrir prófessorar í lögum og stjórnmálafræði við háskólann hafi ekkert vit á þessum málum. Fólk sem hefur þó málfrelsi til að tjá skoðanir sínar á öllu þessu ferli og gefa því einkunn. Falleinkunn, eins og það á skilið. Ég vona að viðspyrna við þessu glapræði verði mikil á Alþingi. Það er hið besta mál að gera breytingar á núverandi stjórnarskrá. En offorsið, sjálfhverfan og heimskan mega ekki ráða þar för. Þeir sem æstastir eru í að þvinga þetta rugl í gegn leggja flestir áherslu á að halda verði "skítugum puttum lagatækna" frá því. Þetta sé stjórnarskrá fólksins. Svona eins og að passa vel uppá að skurðlæknar séu allir víðsfjarri þegar uppskurður er framkvæmdur.

	Þversögn hjá ráðherra
Ábyrgðarmaður færslu Tilkynna um óviðeigandi tengingu við frétt

Bloggar | Slóð | Facebook | Athugasemdir (0)

4.11.2012 | 12:19

Samfélag jafnaðar.

Hann er grínaktugur hann Hrappur. Þessi yfirlýsing sannar að formaður VG er algjörlega í öðrum heimi en mörg okkar hinna sem ruddum brautina fyrir þennan flokk. Vogar sér að tala um samfélag jafnaðar í þessari svokölluðu velferðarstjórn, sem hefur þó stutt fjármagnsöflin með ráðum og dáð gegn alþýðu þessa volaða skers á undanförnum árum. Og sjálfshólið er yfirgengilegt. Þetta er maðurinn sem sem ætlaði að hafa vit fyrir þjóðinni og greiða upp skuldir einkabanka sjálfstæðisflokksins. Sem betur fór tókst þjóðinni að hrinda þessum áformum vitringsins mikla. Ef áformin hefðu náðst værum við nú búin að greiða u.þ.b. 170 milljarða í vexti vegna afreka þessa manns. Mannsins sem skipaði pólitískan guðföður sinn, Svavar Gestsson sem formann saminganefndar í Icesavemálinu. Mann, sem veit varla hvað þjóðaréttur er. Það er deginum ljósara að Ísland hefði orðið gjaldþrota ef þessi maður hefði fengið að ráða. En sem betur fer var hér fólk, sem var tilbúið " að þvælast fyrir". Það er að vísu illt fyrir gamlan vinstrikomma að þurfa að hætta að styðja VG en ekki um annað að ræða. Og það verða mér margir samferða í næstu kosningum.

	Steingrímur J. fer fram
Ábyrgðarmaður færslu Tilkynna um óviðeigandi tengingu við frétt

Bloggar | Slóð | Facebook | Athugasemdir (1)

17.10.2012 | 07:22

Gegnsæi.

Það er athyglisvert að þessa dagana rokkar þessi embættismaður á rútu um landið og predikar m.a. gegnsæi í stjórnsýslunni. Sat í stjórnlagaráði og reyndi á sínum tíma að fá hæstarétt til að afturkalla ógildingu á stjórnlagaþingskosninunum. Svo viðurkennir hann að hafa brotið landslög árum saman og afsakar sig með því " að hafa hitt ráðherra". Það er alveg augljóst að hann stefnir á þingframboð og ágætt fyrir kjósendur að fá að vita þetta. Mér finnst þetta nú ekki sérlega trúverðugur kandidat ef það á að gera siðbót meðal alþingismanna.

	Aldrei skilað ársskýrslu
Ábyrgðarmaður færslu Tilkynna um óviðeigandi tengingu við frétt

Bloggar | Slóð | Facebook | Athugasemdir (0)

16.10.2012 | 20:43

Skósveinn.

Þessi maður var nokkrum sinnum á þingi sem varamaður Guðfríðar Lilju. Þar gerði hann aðeins það sem formanninum þóknaðist8977777777

Þessi maður var stundum á þingi sem varamaður Guðfríðar Lilju. Einn skósveina formannsins sem hlýðir honum í einu og öllu.Það er líka flestum ljóst að nú verður kné látið fylgja kviði. Öll óværa hreinsuð af flokknum. En hætt er við að fleira hverfi í leiðinni. Kannski ágætt að þessi læknir fái efsta sætið. Það myndi tryggja að VG fengi ekki þingmann í kraganum. Steingrímur er að ganga að þessum fyrrum róttæka umhverfisflokki dauðum. Flokknum sem fékk 14 þingmenn í síðustu kosningum og hafði alla burði til að stækka enn meira. Atli, Lilja M. og Ásmundur farin og fleiri á förum. En það er að vísu sárabót fyrir formanninn að hafa fengið ofurmennið Þráinn Bertelsson í staðinn. Hætt er þó við að það dugi skammt í koningunum að vori. Flokkurinn á enga möguleika í vor. Kannski lafir hann inná þingi með 4-6 menn. Draumurinn um sterka velferðar- og umhverfisflokkinn er horfinn. Og hrunvaldur þessa flokks, sem ég var svo stoltur af, er fyrst og fremst formaðurinn. Fremur raunalegt fyrir gamlan komma sem studdi þennan flokk með ráðum og dáð frá stofnun hans 1999. Því miður hafa leiðir nú skilið og við því verður ekkert gert.

	Ólafur Þór vill leiða lista
Ábyrgðarmaður færslu Tilkynna um óviðeigandi tengingu við frétt

Bloggar | Slóð | Facebook | Athugasemdir (3)

21.8.2012 | 12:44

Lygamörðurinn heldur áfram.

Steingrímur heldur sig við sama heygarðshornið. Snýr öllum staðreyndum við og heldur lygaþvælu sinni áfram. Þó staðan hafi verið afleit vorið 2009 var lítil hætta á að Ísland yrði gjaldþrota vegna hrunsins. Hins vegar er alveg ljóst að svo hefði orðið ef Steingrímur hefði komið áformum sínum í gegn í Icesavemálinu. Það var lukka þjóðarinnar að komið var í veg fyrir þau. Sjálfhælni þessa yfirráðherra er takmarkalaus. Því fyrr sem við losnum við hann úr valdastóli, því betra. Hann er alveg staurblindur í flestum málum og siðferðið á alveg sérstöku plani. Hann er svo sem ekki einn um þetta í pólitíkinni. Þar þurfum við að gera ærlega hreingerningu. Núverandi meðlimir stjórnmálastéttarinnar er flestir óhæfir þingmenn og enn verri ráðherrar. Hendum ruslinu á haugana, sópum flærnar úr stjórnsýslunni og byrjum uppá nýtt.

	Evrópa geti lært af Íslandi
Ábyrgðarmaður færslu Tilkynna um óviðeigandi tengingu við frétt

Bloggar | Slóð | Facebook | Athugasemdir (1)

24.5.2012 | 10:19

Hræsni

Þeir eru að verða aumkunarverðir, þingmenn Hryfingarinnar. Nú vitna þeir í reglur sem eiga sér enga stoð. Auðvitað er þetta bara þáttur í pukrinu með norrænu velferðarstjórninni. Það má ekki styggja dramadrottningarnar tvær JS og SJS. Það vita það allir að stjórnin er í raun orðin minnihlutastjórn og þingmenn hreyfingarinnar halda henni á floti. Þeir hafa fengið einhverja dúsu í staðinn. Formaður landskjörstjórnar segir með réttu að ekkert sé því til fyrirstöðu að kjósa um fleira enn eitt mál í einu í sömu kosningunum. Það eru margir farnir að skjálfa. Það líður að skuldadögum og þarf að pukrast og blekkja enn meira en nokkru sinni fyrr. Lýðræðisástin er afar sérkennileg hjá sumu fólki.

	Spurning um ESB á öðrum kjörseðli
Ábyrgðarmaður færslu Tilkynna um óviðeigandi tengingu við frétt

Bloggar | Slóð | Facebook | Athugasemdir (3)

2.4.2012 | 14:24

Bönnum nagladekkin.

Það hefur lengi verið vitað að naglar í dekkjum spæna upp malbik og önnur varanleg slitefni á götum og vegum. Svifmengun eykst og kostnaður við viðhald einnig.Þá geta nagladekkin veitt falska öryggistilfinningu og í raun er flest neikvætt við að aka á negldum dekkjum. Nú eru á markaði fjölmargar tegundir af frábærum dekkjum sem hægt er að aka á allt árið um kring án nagla. Í meira en áratug hef ég ekið mínum bílum naglalaust án nokkurra vandræða. Ég bý að vísu hér sunnanlands og vetur hafa verið fremur snjóléttir. Þessi vetur er þó undantekning og segja má að það hafi verið snjór hér meira og minna síðan í lok nóvember. Allt hefur gengið að óskum án naglanna. Ég er viss um að það væri mikið framfaraskref að banna nagladekkin. Það mætti undanskilja lögregluna, sjúkraflutningana og slökkviliðið ef ástæða þykir til þess. Verum umhverfisvæn og spörum í leiðinni.

	Nagladekk ógna heilsunni
Ábyrgðarmaður færslu Tilkynna um óviðeigandi tengingu við frétt

Bloggar | Slóð | Facebook | Athugasemdir (5)

24.3.2012 | 09:27

Vonirnar og Steingrímur.

Þær eru miklar vonirnar hjá þessum frammara.Orðið vonandi kemur fyrir 7 sinnum í þessari stuttu frétt. Frétt um nýjustu útgáfuna um að festa einkaeign örfárra manna á fiskveiðiauðlindinni enn frekar í sessi.Allar væntingar um að þjóðin fái að njóta hennar eru tálvonir. Steingrímur hefur séð um sína frá því þessi norræna velferðarstjórn var sett á laggirnar. Fjármagnseigendur hér , vogunarsjóði, breta og hollendinga og ýmsa fleiri. Þessi pólitíski umskiptingur virðist ætla að verða einn mesti óþurftargemlingur sem komið hefur að íslenskri pólitík í áratugi. Og eru þeir þó æði margir. Það er auðvitað sárt fyrir gamlan vinstrimann að sjá formann VG vera að ganga að flokknum dauðum. En það verður að hafa það. Menn sem geta ekki staðið við orð sín uppskera í samræmi við sáninguna og það verður varla mikið eftir af VG þegar búið verður að telja upp úr kjörkössunum í næstu þingkosningum. Það eru nefnilega margir sem enn munu " þvælast fyrir" Steingrími J. Sigfússyni í pólitíkinni. Manninum, sem ég batt einu sinni vonir við, studdi og kaus frá 1999. Ég ætla að halda áfram að " þvælast fyrir".

	Breyttist með Steingrími
Ábyrgðarmaður færslu Tilkynna um óviðeigandi tengingu við frétt

Bloggar | Slóð | Facebook | Athugasemdir (4)

9.2.2012 | 20:44

Kunnuglegt.

Sirkusinn í bæjarstjórn Kópavogs er alltaf jafn skemmtilegur. Eftir síðustu bæjarstjórnarkosningar féll meirihluti íhalds og framsóknar. Fljótlega kom í ljós að oddviti SF hugði gott til glóðarinnar og ætlaði sér bæjarstjórastólinn. Enda bitlingar ætíð verið ær og kýr kratanna. Guðríður Arnardóttir neyddist til að samþykkja ópólitískan bæjarstjóra. Sem var henni auðvitað þvert um geð. Aðall SF er valdagræðgin og hugsjónafátæktin. Þó mér finnist nú ekkert sérlega vænt um íhaldið og framsókn er ekkert eðlilegra en að þessir flokkar séu komnir til valda á ný. Aðför SF að hinum ópólitíska bæjarstjóra snérist í höndum hennar og uppskeran er eftir sáningunni. Þetta er svo sem alkunna úr núverandi ríkisstjórn. Deildu og drottnaðu og komdu ár þinni vel fyrir borð. Hálf samfylkinginn hefur verið á beit á stjórnarráðstúninu síðan núverandi ríkisstjórn var mynduð. Allmargir skósveinar Steingríms J. fá að naga með. Allir, sem ekki samþykkja skilyrðislausa hlýðni við Jóhönnu og Steingrím, eru settir út af sakramentinu. Skipulega er grafið undan öllum sem ekki hlýddu í icesavemálinu. Það þarf ekki að efast um hvaðan ófrægingarherferðin gegn Ögmundi Jónassyni er runnin. Einum einlægasta og heiðarlegasta þingmanni sem nú situr á þingi.Bæjarfulltrúuar SF og VG í Kópavogi dingla nú allir í snöru sem þeir ætluðu öðrum. Það er þeim bara mátulegt.En vonandi verður alltaf gott að búa í Kópavogi og víðar.