Hroki.

Bæjarstjórinn í Hafnarfirði hefur talað. Honum koma samkeppnisreglur ekkert við. Það er bara mál OR að Samkeppnisstofnun hefur gert athugasemdir við sölu á hlut Hafnarfjarðar í hitaveitu Suðurnesja. Hvernig má það vera að þessi bæjarstjóri og höfuðpáfi SF í Firðinum sé svona gersamlega útá þekju? Það er svosem alþekkt að sumir telji sig ekki þurfa að fara að lögum og reglum. Þó ég hafi nú enga sérstaka trú á Kjartani Magnússyni þá var hann raunsær og vel áttaður þegar hann var spurður um málið. Kannski rennur ljósið upp fyrir bæjarstjóranum þó síðar verði.

Meðmæli.

Ef skrifleg mæðmæli höfðu áhrif eða réðu úrslitum mætti spyrja hver skrifaði þau og hvað fólst í þeim. Ég vona að það sé ekki til of mikils mælst að fjármálaráðherra upplýsi okkur um það.

Áhrif meðmælabréfs

Glansinn horfinn af Svandísi?

Björn Bjarnason dómsmálaráðherra helgaði VG hluta af einum pistli sínum í fyrradag. Svandís Svavarsdóttir fær þar sinn skammt. Ráðherann segir hana ekki þora að axla ábyrgð á stjórn borgarinnar með sjálfstæðisflokknum og hangi í pilsfaldi Samfylkingarinnar.  Glansinn sé horfinn af Reykjavíkurarmi VG.Þessi ummæli staðfesta betur en allt annað að íhaldið reyndi allt sem hægt var til að fá Svandísi og félaga til samstarfs eftir að Björn Ingi " sveik samstarfsflokkinn". Vonbrigðin leyna sér ekki. Kannski sannast hér orð forsætisráðherrans um að það takist ekki alltaf að fá sætustu stelpuna með sér heim af ballinu. Þá er bara að taka það sem tiltækt er. Eyðimerkurganga íhaldsins í Reykjavík heldur áfram. Björn Bjarnason er reyndar mjög skynsamur maður. Hann sér að ef áfram heldur sem horfir blasir afhroð við í næstu kosningum. Það eru heldur engin merki um að borgarfulltúar flokksins séu beinlínis að sligast af ábyrgð. Þetta er vond staða fyrir reykvíkinga. Það sýnir þó vonandi mörgum hvað skal ekki kjósa í næstu borgarstjórnarkosningum.

Vandræði.

Til hvers hefur Vilhjálmur traust alls borgarstjórnarflokksins? Til að breiða yfir valdabaráttuna? A.m.k. 4 vilja verða borgarstjórar. Það er illt til þess að vita að núverandi meirihluti í höfuðborginni er óstarfhæfur. Höfuðlaus her þar sem allt logar í illdeilum sem bitna á borgarbúum. Þetta sjá flestir nema borgarfulltrúarnir sjálfir.

Þrjú gefa kost á sér í borgarstjóraembættið

Hjálpræði.

Af fréttum að dæma er ástandið hjá íhaldinu ekki uppá það besta um þessar mundir. A.m.k. ekki í höfuðborginni. En hér sannast hið fornkveðna. Þegar neyðin er stærst er hjálpin næst. Mágur forsætisráðherrans bjargar því sem bjargað verður.

Byggir upp liðsheild íhaldsins

Athyglisvert.

Það verður fróðlegt að fylgjast með þessu máli. Almenningi blöskrar einfaldlega og það er dýrt að skipta við íslenska banka. Þegar Sigurjón bankastjóri Landsbankans var spurður að því um daginn hvort viðskiptavinirnir yrðu varir við góða afkomu bankans svaraði hann neitandi. Þeir myndu áfram fá góða þjónustu. Sjálfur með 13, 6 milljónir í mánaðarlaun. Mér finnst þetta hreinlega ógeðslegt.

Spyr út í kaupréttarsamninga Glitnis

Blíða.

Það andar af suðri, yndislegt veður í bænum

og aldeilis frábært að hugsa og láta sig dreyma

um þig, kæra vina, og veraldarerlinum gleyma,

og vorið mun tendra aftur í fornum glæðum.

Þá mun ég að nýju svífa í hæstu hæðum

er höfugur ilmur þinn kemur með sunnanblænum.

 

Tæra loftið flæðir innum gluggann minn. Friðsældin ríkir hér ein í Þorrablíðunni. Það er gott að vera til á slíkum degi. Vonandi færir dagurinn ykkur gleði eins og mér.

Hrós.

Því miður get ég ekki hrósað öllum ríksstofnunum. Ég ætla að hrósa embætti ríkisskattstjóra. Þar er frábært starfslið sem gott er að leita til. Allir boðnir og búnir til að liðsinna þeim sem þangað leita. Vefurinn er góður og tæknimennirnir ekki síðri. Betur ef þetta væri svona á fleiri stöðum.

Opnað fyrir vefframtöl einstaklinga 1. mars

Friðhelgi einkalífsins.

Sennilega verðum við að draga fram haglabyssuna eins og gaurinn í Spaugstofunni um daginn. Þetta eru skýlaus brot á friðhelgi einkalífsins sem eru stjórnaskrárvarin réttindi okkar. Endalaus burður pappírs sem við viljum ekki.

Neytendur geti afþakkað fjölpóst í fríblöðum

Dostojevskí.

Þegar ég fylgist með öllum lygunum og þvælunni í borgarstjórn höfuðborgarinnar, yfirlýsingunum, leiðréttingunum og siðblindunni, finnst mér ég vera staddur í miðju leikriti eftir þennan ágæta rússneska höfund. Hvernig geta svona atburðir gerst dag eftir dag?

Yfirlýsing frá borgarlögmanni