Létt verk og lítið.

Náttúverndarsamtökin ættu bara að snúa sér að Dofra. Hann skreppur austur með Merði, plantar Þórunni og Össuri, og málið er leyst í eitt skipti fyrir öll.

Gera athugasemdir við Hverfisfljótsvirkjun

Góðar óskir...

til skurðhjúkrunarfræðinga.  Látið ekki kúga ykkur til hlýðni. Samstaðan er mikilvægust af öllu og gott hjá ykkur að koma vitinu fyrir heilbrigðisráðherrann.

Landspítali frestar nýju vaktakerfi

Öfugmæli.

Heldur fólk að þessi plöntun og nafngift breiði yfir svik SF í umhverfismálum? Fagra Ísland var aldrei annað en ómerkileg kosningabrella. Og mér sýndist að Dofri, guðfaðir brellunnar, hafi verið þarna að verki.

Plöntuðu vaxtarsprotum í Helguvík

Hvar er gasið?

Kláraðist af brúsunum við Rauðavatn?Eða eru menn að fá glóruna aftur?

Ungmenni tefja umferð

Frændur vorir.

Þetta kemur mér ekki á óvart. Norðmenn hafa alltaf verið harðir í horn að taka þegar íslendingar eiga í hlut. Danirnir eru miklu skárri þrátt fyrir maðkað mjöl og fleira fínerí í gamla daga. Enda erum við líklega jafnskyldir þeim og enn skyldari írum.

Segja norska olíusjóðinn hafa tekið þátt í áróðri gegn Íslandi

Góða veiði.

Flestir veiðimenn vita, að það má aldrei óska öðrum góðrar veiði. Þetta hefur stundum verið sagt við mig þegar ég hef haldið af stað með veiðistöngina. Herconinn góða. Þá hefur reynt á geðprýðina.Nýlega heyrði ég nýtt orðatiltæki sem þýðir í raun það sama. Ég vildi að einhver segði það við mig næst þegar ég fer í veiði. " Megi línur þínar verða strengdar" Mér finnst líklegt að þetta sé enskt orðatiltæki sem einhver góður maður hefur snarað yfir á íslensku. Ef einhver sem les þetta þekkir tilurðina væri gaman að heyra um það.

Ég nefndi þetta á blogginu mínu á blogspot um daginn. Yngri sonurinn kemmenteraði frá Barselóna. Svona:

Ó, megi þenslan þjaka allar línur

og þrædda tauma, og allir hnútar halda,

þá verður gott að grípa laxinn kalda

úr grænum streng í háf. Og síðan rífur

 

hann aftur færið út og tekur roku

í ána miðja og kafar þungt og lengi

í sól og logni, súld og niðaþoku,

en syrgir loks á bakka forna strengi.

 

Þá spillir laxa, spennufalli gæddur,

á spariskónum(vöðlum) fær sér kaffi

og vekur glóð í vindli, endurfæddur,

og vetrarþungi og hversdagssút í straffi.

 

Já, megi allir stangartaumar strengjast,

og stundirnar við ána að nýju lengjast.

 

Nú fer hin nóttlausa voraldar veröld í hönd. Allar dásemdir sumarsins framundan. Það er gömlum veiðiref sérstakt fagnaðarefni. Bestu kveðjur frá mér til ykkar.

Hvar er ríkisstjórnin?

Gengið fellur enn. Hvar eru ráðherrarnir? Hvernig stendur á því að stjórn með svo mikinn meirihluta á bak við sig gerir llítð? Og ef eitthvað er gert er það bara tóm tjara.

Hlutabréf hækka en gengið lækkar

Mjög slæmt mál.

Alveg er það með ólikindum hvað sumt fólk getur verið seinheppið. Nema réttlætið hafi einfaldlega tekið í taumana. Þetta hafði afar farsælan endi.

Afhenti manninum sem hann rændi fenginn

Löggan sem hló.

Minnir mig á Sjöman og Wahlöö. Strákgreyið hefur væntanlega verið alveg í rusli.

Sat fastur í ruslalúgu systur sinnar

Mokum flórinn.

Ég er afar sammála Gylfa Magnússyni, dósent. Hann sagði í sjónvarpsfréttum í gærkvöldi, að stefna seðlabankans væri komin í þrot. Nánast að moka þyrfti öllum út úr þessu dökka musteri í einum grænum og fá nýja stjórnendur, sem kynnu betur til verka. Þessi stofnun hefur lengst af verið hvíldarheimili fyrir aflóga stjórnmálamenn. Það er sannarlega kominn tími á breytingar í þessum efnum.