Engar áhyggjur.

Þetta eru auðvitað ástæðulausar áhyggjur. Það mætti halda að þessi þekkti skipstjóri og aflamaður hefði ekki séð allar ályktanirnar frá VG. Veit hann ekki að þessi stjórn kennir sig við norræna velferð?Það á kannski að leggja varnarmálastofnun niður og það er búið að banna vændi. Kemur sér mjög vel fyrir heimilin. Steingrímur hefur líka sagt að hann sé alltaf að fresta nauðungaruppboðunum. Verðtryggingingin er bara smámál og nánast nöldur að minnast á hana. Ég tók t.d. lán hjá Bjöggunum 2004 þegar ég keypti íbúðarholuna mína. Lánið var 12.650.000 Tíminn hefur liðið og ég er búinn að borga svona í kringum 4.000.000  af láninu og það stendur einungis í 18.600.000  Steingrímur sagði reyndar fyrir kosningar að hann vildi afnema verðtrygginguna. Gott ef Jóhanna var ekki líka að spekúlera í því. Dæmið hér að framan hefur líklega sýnt þeim að þetta er gott og nákvæmlega eins og best verður á kosið. Þessvegna er líka óhætt að hækka alla neysluskatta  reglulega á 6 mánaða fresti þó lánin hækki nú örlítið við það. Lýðurinn borgar þó kaupið sé lágt og margir atvinnulausir. Svo má líka fresta uppboðunum aðeins. T.d. þangað til þessum velferðarráðherrum hefur tekist að koma okkur í sæluna hjá ESB. Voðalega er nú gott að hafa svona  fólk til að hugsa fyrir  sig og ákveða hvað er okkur fyrir bestu. Og hafa slegið skjaldborg um heimili landsins eins og þau lofuðu fyrir kosningar.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Áhyggjur af aðgerðaleysi

Athugasemdir

[Anna Sigríður Guðmundsdóttir, 17.1.2010 kl. 11:03]

Sigurður. Förum nú beint á fund umboðsmanns viðskiptavina í bankanum og fáum málin á hreint. Það er bara að panta tíma strax á morgun. Og ef hann veit ekkert og ræður engu förum við í yfirmann hans þar til við finnum bankasvikarana. Þeir geta ekki flúið ábyrgð. Þeir eru í vinnu við að gæta fjármuna almennings í landinu! Þeir fá borgað fyrir það! Hver skyldi skýringin verða hjá bankatoppunum?

Það er eins gott að venjulegt fólk fari sjálft að tala við þetta topplið í aðal-bönkunum og á manna-máli! Hver setur raunverulega reglurnar og eru þær réttlátar og raunhæfar? Hvernig ætla þeir að komast frá skýringunum  með heiðri og sóma og þiggja áfram sín laun fyrir vel unnin störf?

Það er umboðsmaður viðskiptavina fyrir hvern banka eða á að vera. Það lækkar nú hásætið þeirra þegar eigendurnir taka peningana sína undan stólunum þeirra. Kanski þeir nái þá einhverju jarðsambandi. M.b.kv. Anna