Ólíkindi.

Það er ömurlegt að fylgjast með viðbrögðum þessa fyrirtækis við gagnrýni á þessa ferð. Öll rök hníga að því að því að svifta þessa áhættufíkla starfsleyfi. Kom norska veðurspáin að gagni? Skiptir einhverju þó forstjórinn hafi verið vanur björgunarmaður? Einar Sveinbjörnsson veðurfræðingur upplýsti hvernig þessa norsku spár eru reiknaðar út. Það lá alveg ljóst fyrir að það átti að blása þessa ferð af og það er ekki forsvarsmönnum Vélsleðaleigunnar að þakka að þetta blessaða fólk bjargaðist með giftusamlegum hætti. Þeim væri nær að viðurkenna glópsku sína en að reyna að réttlæta gerðir sínar á þennan aumkunarverða hátt. Ef fyllstu varúðar hefði verið gætt hefði þessi slæmi atburður ekki gerst. Málið er ekki flóknara en það.

Fyllst varúðar var gætt

Athugasemdir

[Guðmundur (IP-tala skráð) 18.2.2010 kl. 08:39]

Það að fólk skuli týnast segir allt sem segja þarf: Fyllstu varúðar var EKKI gætt!

Það er ljóst að enginn hefur verið á eftir fólkinu sem týndist því sá aðili hefði átt að koma í veg fyrir að það gerðist. Það hefur semsagt ekki verið fylgst nógu vel með fólkinu.

Það að þessir aðilar treysti frekar ónákvæmri norskri veðurspá, frekar en íslenskum veðurfræðingum sem byggja spá sína m.a. á staðarþekkingu er fráleitt. Því til viðbótar hefðu þessir aðilar átt að vera búnir að læra eitthvað sjálfir á landið og veðrið og hvernig veður geta breyst skyndilega til hins verra. En í þessu tilviki var það ekkert sem koma átti neinum á óvart. Veðurspáin hljóðaði upp á það.

[Þórir (IP-tala skráð) 18.2.2010 kl. 08:45]

Því miður er þetta ekki í fyrsta sinn sem "erlend" veðurspá veldur því að alvarleg óhöpp verða. Fyrir mörgum árum gerðist það með gönguhóp á Vatnajökli í ferð á vegum Samvinnuferða og hópurinn hafði uppi gríðarlega háa skaðabótakröfu gagnvart fyrirtækinu, kröfu sem hefði getað sett fyrirtækið á hausinn en til þess kom þó ekki þar sem aðrir þættir sáu til.

Við skulum vona að þetta fyrirtæki sé með tryggingar í lagi svo þetta breytist ekki í mannlegan harmleik starfsmanna og aðstandenda félagsins. Tryggingar sem þurfa að vera eru ekki lögbundnar heldur sjálfsögð öryggisráðstöfun forsvarsmanna fyrirtækja að kaupa.