Sigurður Sveinsson

29.3.2010 | 07:07

Skítabomba.

Forsætisráðherrann hefur kastað nýrri skítabombu inn á borð vinstri grænna. Fjármálaráðherrann og náhirð hans láta sér það örugglega vel líka enda orðnir vanir þessu fúla lofti. Það eru þó merki um að að villikettirnir muni bíta frá sér. Enda vel við hæfi eftir svona sendingu. Forsætisráðherra gerir sér enga grein fyrir hver staðan er á þessu ríkisstjórnarheimili. Ríkisstjórn verður að hafa þingmeirihluta í þeim málum sem hún vill koma fram. Forsætisráðherra virðist telja að allir þingmenn ríkisstjórnarflokkana eigi einfaldlega að hlýða sér. Sem betur fer eru enn þónokkrir þingmenn VG með óbrenglaða dómgreind. Það er þetta fólk sem mörg okkar sem kusum VG í fyrra, treystum á. Við erum enn að vona að enn sé hægt að koma vitinu fyrir Steingrím J. og aðra þingmenn VG sem Steingrímur hefur í vasa sínum. Það er reyndar gömul saga og ný að sumir læra af mistökum sínum og aðrir ekki. Ég vona að ég sjái einhverntíma aftur gamla baráttujaxlinn Steingrím J. Mælska eldhugann sem einu sinni var. Það er vont að verða viðskila við sannfæringu sína og það leiðir flesta þá sem fyrir því verða í algjörar ógöngur. Valdhroki forsætisráðherrans verður honum lokum að falli. Þá verður lag til þess að einangra Samfylkinguna í íslenskum stjórnmálum. Þessa hugsjónalausu moðsuðu sem hefur það eitt að markmiði að hanga á völdunum eins og hundur á roði. Ég sendi öllum villiköttunum í VG mínar bestu kveðjur.

	Gremja í herbúðum VG
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Sæll Sigurður.

Já það var auðséð frá byrjun, hverjir töldu sig til húsbændanna á þessum bæ og hverjir skyldu vera húsdýrin þarna eftir dýrabyltinguna á "Animal Farm"

Samfylkingin og hennar hyski, minna mig alltaf meir og meir á feitu svínin í þessari sígildu ádeilumynd "Animal Farm"

En aumingja Steingrímur hann er eins og vesalings hesturinn, sem trúði á að það hefði verið gerð raunveruleg bylting með Svínunum alveg fram í rauðan dauðann !

Gunnlaugur Ingvarsson (IP-tala skráð) 29.3.2010 kl. 08:15