Þetta er laukrétt.

Það er enginn vafi á að þessi stjarneðlisfræðingur hefur rétt fyrir sér. Geimverur eru til og þetta eru bölvuð ódó. Þær eru hér á ferli annað slagið. Ég hef t.d. nokkrum sinnum orðið fyrir barðinu á þeim. Þær eru búnar að stela af mér samtals þrem Zippó kveikjurum. Þetta gerðist síðast í nóvember s.l. og mér varð svo mikið um þetta síðasta áfall að ég steinhætti að reykja í byrjun desember. Ég varð nú lítið var við aliensana fyrst á eftir. En nú fyrir stuttu hjuggu þeir enn í sama knérunn. Dælulykillinn minn gufaði upp úr vasa mínum. Ég er ekki í neinum vafa um skýringuna. Ódóin gera það ekki endasleppt við mig. Ég var reyndar snöggur til að láta ógilda lykilinn og þeim tekst ekki að taka bensín og láta mig borga. Hafið varann á ykkur. Það er full ástæða til þess. 

Geimverur geta verið varhugaverðar

Athugasemdir

[Friðrik (IP-tala skráð) 25.4.2010 kl. 11:42]

að ekki sé talað um málfar í fjölmiðlum. Geimverurnar eiga áreiðanlega sök á því.

Alveg sér maður þær fyrir sér, drefiandi fúlum púkum inn í tölvukerfin s.s. beygingarvillum og allskonar.

Skil ekki hvernig þér getur bara verið rótt yfir þessu.

[Árni Þór Björnsson, 25.4.2010 kl. 12:17]

Þetta vita nú allir þenkjandi menn. Ég er næsta viss um að geimverur hafi komið sér vel fyrir í líkömum ákveðinna stjórnmálamanna . Allt athæfi þeirra og ráðabrugg miðast að því að gera okkur áhrifalaus með öllu um framtíð okkar. Ég meina, Steingrímur og Jóhanna eru pottþétt geimverur . Sannanir ? Haga sér eins og örverur ! Sundra, drepa, eyðileggja, smita .

[Eyjólfur Jónsson, 25.4.2010 kl. 13:13]

Þetta er ekkert spaug! Þetta er fúlasta alvara þegar geimverur taka á sig útlit mennskra manna. Og ég viss um að Gústi Morthens er geimvera enda heyrist það á rödd geimverunnar að þetta er ekki Gústi. Og Siggi minn, þar hefurðu skíringuna á hvarfi dælulykla, kveikjara, barnableyjum,gömlum ávísunum,möðkum og Gissuri Jensen. Allt þetta finnur þú upp á háalofti hjá Gústa(geimveru).

50 caliber

[Jóhannes Ragnarsson, 25.4.2010 kl. 14:21]

Hefur hinn ástsæli stjörnusýslumaður ykkar Árnesinga, herra Stones, ekki handsamað einhverjar af þessum geimverum fyrst þær eru þjófóttar og ef til vill haldnar víðtækri glæpahneigð? 

[Sigurður Sveinsson, 25.4.2010 kl. 16:40]

Jóhannes. Ég held að aliensarnir haldi sig fjarri þessum sýslumanni. Það sagði mér ólyginn um daginn að geimverur kæmu aldrei nálægt nema skarpgreindu fólki.