Þvælan afhjúpuð.

Íslenskur læknir sagði nýlega í sjónvarpinu að sykur væri eitur. Vægt að vísu. Sykrinum er kennt um nánast alla menningarsjúkdóma vesturlanda. Auðvitað er þetta tóm þvæla. Það hefur undirritaður reynt á sjálfum sér um langa hríð. Dönsk rannsókn sýndi meðal annars að karlmenn þar í landi sem notuðu sykur í kaffið voru mun grennri en hinir sem ekki gerðu það. Það er talið vera vegna þess að sykurinn slær á hungurtilfinninguna. Allt er þó best í hófi eins og við þekkjum. Við skulum  éta sykur áfram. Hreyfum okkur bara meira. Við förum svo öll yfir móðuna miklu þegar þar að kemur. Ég hef ekki enn heyrt um grafskrift hvar á stendur:" Hér hvílir Jón Jónsson, hann dó af sukuráti."

Sykurlausir gosdrykkir hafa sömu áhrif á heilsu fólks og sykraðir

Athugasemdir

[Geir Jónsson (IP-tala skráð) 24.7.2007 kl. 21:24]

Það er samt ekki gott að verða háður sykri, hann er örugglega meira ávanabindandi heldur en gerviefnin. Annars þekki ég fólk sem hefur grennst við það eitt að skipta yfir í diet (fólk sem er að drekka 1-2 lítra af gosi á dag). Svo ég veit ekki hverju ég á að trúa. 

Ég get alveg trúað því að það sé eitthvað óæskilegt við gerviefnin, það er auðvitað alltaf skárra að drekka vatn heldur en diet drykki. En ég er ekki sannfærður að þeir séu jafn slæmir og þá endilega á sömu sviðum. Held að það þurfi að rannsaka þetta betur... Fólk kom með samsæriskenningar um leið og þessir drykkir komu á markaðinn, eins og fólk vill bara trúa því versta þegar kemur að fyrirtækjum.

[Brynjar Jóhannsson, 24.7.2007 kl. 21:33]

Sykur er 100% kolvetni og kolvetnisfíkn er ástæða offitavandamáls hins vestræna heims. Þó svo að þín sykurneysla nær að vera í hófi er ekki þar með sagt að svo eigi við um mannapan í heild sinni. Sumir verða fylliraftar við fyrsta glas en aðrir ekki... sama á við um þá sem verða sykurfíkn að bráð. ...  Víst væri hægt að skrifa með sönnu á grafreit hins látna að hér kvíli jón sem drapst úr sykuráti miðað við hið stigmagnandi offituvandamál um gjörvallan heim..  Síaukin fjöldi fólks í vestrænum heimi deyr vegna sykurlöngunar eða úr leiðindum.

[Sigurður Sveinsson, 24.7.2007 kl. 21:55]

Ég ætla alls ekki að halda því fram að sykurinn sé einhver sérstök hollusta. En það má bara ekki kenna honum um allt eins og sumir gera. Kenningar vísindamanna eru líka ákaflega misvísandi. Hvað með allt majónesið, frönsku kartöflurnar,snakkið og naslið, sem fólk treður í sig daginn út og daginn inn. Ég er staðráðinn í að éta það sem mér finnst gott en reyna að hafa hóf á því. Og ég er líka staðráðinn í að deyja ekki úr leiðindum.

[Geir Jónsson (IP-tala skráð) 24.7.2007 kl. 22:41]

Það er auðvitað líka rétt hjá Sigurði að það þarf að skoða heildarmyndina.

T.d. las ég um daginn að Frakkar borða meira magn af fitu heldur en Bandaríkjamenn. 

[Eiríkur Harðarson, 24.7.2007 kl. 23:05]

Satt segirðu Siggi það væri kannski ráð að fólk notaði, svipaðan hreyfingarmáta og ég. Þó það yrði ekki í því magni sem ég hjóla, enda er ég tilneyddur. Ætli það yrði ekki veruleg fækkun á mörgu heilsufarsvandamálinu, ef fólk færi að nota lappirnar í eitthvað annað en að stíga á bensínið, kúpla og bremsa.

[Brynjar Jóhannsson, 25.7.2007 kl. 01:12]

Auðvitað má fólk éta nákvæmlega það sem því sýnist og auðvitað er það rétt hjá þér Sigurður að það er rangt að fókusera á sykurinn einnan og sér.  En ef einhver maður ætlar að halda því fram að matarfíkn sé ekki til þá getur hann alveg eins reynt að telja mig trú um að alkaholimsi sé ekki til. Staðreyndin er sú að fólk deyr í auknu mæli úr offitu nú á dögum ... það er ekki að ástæðu að til eru samtök sem eru undir nafninu OA sem mætti  titla á íslensku sem sem óþekktir ofátsjúklingar...  En eins og ég gat til.. tengist  mesti hluti vandans kolvetnislöngun.. og eins og ég sagði þá er sykur 100% kolvetni.... 

 Ég vona að þú borðir nákvæmlega það sem þig listir í framtíðinni og haldir þig fast við þá stefnu þína að drepast ekki úr leiðindum.

[Marta B Helgadóttir, 25.7.2007 kl. 01:39]

Skepnur éta, fólk borðar

[Sigurður Sveinsson, 25.7.2007 kl. 03:27]

Ég er líka óttaleg skepna stundum.

[Brynjar Jóhannsson, 26.7.2007 kl. 00:29]

Martha.. ég biðst afsökunar á þessum rangmælum mínum..  þetta er rétt hjá þér..fólk borðar... en MANNSKEPNAN ÉTUR....  .......  og munurinn á því að borða og að éta er eins og munurinn á kúki og skít.