Sigurður Sveinsson

30.6.2009 | 06:44

Dauðabraut.

Ég hef oft undrast stefnu og áherslur núverandi samgönguráðherra. Suðurlandsvegur er hættulegasti þjóðvegur landsins. Umferðarþunginn gífurlegur og slysin allt of mörg. Ég hef ekkert á móti Vaðlaheiðargöngum en þau verða að bíða. Suðurlandsvegur ber ekki umferðina á álagstímum. Það sá ég vel á sunnudaginn var þegar ég ætlaði frá Selfossi á blómasýninguna í Hveragerði. Bílalestin rétt mjakaðist áfram. Þetta er 10 mínútna akstur. Eftir hálftíma gat ég snúið við og var þá kominn u.þ.b. hálfa leið. Kjördæmapot á að tilheyra fortíðinni. Byrjum á suðulandsveginum á morgun. Það er langmikilvægasta fjárfestingin í vegagerð akkúrat núna.

	Vilja forgangsraða aftur
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Auðvita á að byrja á Suðurlandsvegi,sammála þér Sigurður,sennilega fer samgönguráðherra aldrei austur fyrir fjall og lætur mata sig á einhverju þvælu,ég hélt nú að það væri eitthvað að marka Kristján Möller,það þekkist allavega ekki að Siglfirðingar væru svikahrappar og óheiðarlegir(þá getur Kristján ekki verið Siglfirðingur) Alla vega gaf hann loforð í beindi,að það yrði farið í suðurlandsveg,þá gerum við að sjálfsögu þá kröfu að menn standi við sín loforð ella víki strax,ef ekki sjálfviljaður þá með hjálp fólksins í landinu,látum ekki ljúga af okkur,hann tjáði sig í mars,það yrði farið í þennan veg með sumrinu,stattu þá við það Kristján Möller og sýndu okkur að þú sér Siglfirðingur í húð og hár. kær kveðja. konungur þjóðveganna.

Jóhannes Guðnason, 30.6.2009 kl. 09:00

Satt og rétt, king of the road. Siglfirðingar eru bara fjandi góðir. Vann í Rauðku fyrir 50 árum. Stúaði mjöli í skemmu. Það var óhemjuskemmtilegt fyrir 15 ára gaur að kynnast síldarævintýrinu aðeins, einkum fyrir gutta sem aldrei hafði migið í saltan sjó.

Sigurður Sveinsson, 30.6.2009 kl. 09:50