Sama heygarðshornið.

Ríkisstjórn hinna vinnandi stétta er við sama heygarðshornið. Hugmyndafátæktin algjör.Hækkun virðisaukaskatts bitnar verst á þeim sem minnst bera úr býtum eins og allir aðrir neysluskattar. Auka verðbólguna og hækka öll lán. Það miðar heldur ekkert í að koma lögum yfir glæpamennina sem eiga meginsök á því hvernig komið er. Enginn áhugi virðist vera á að reyna að endurheimta neitt af ránsfeng glæpalýðsins. Það á bara að þrautpína þá verst settu, börn þeirra og barnabörn. Ég lýsi hér með frati á þessa voluðu stjórn.

Verðlagið upp um 1%

Athugasemdir

[Jon H (IP-tala skráð) 11.11.2009 kl. 07:24]

Tek undir með þér. Trúi ekki öðru en það fari að styttast í að fólk mæti aftur niður á Austurvöll að mótmæla, kemur mér eiginlega á óvart að það sé ekki löngu búið að því. Mér finnst þessi ríkisstjórn hafa sýnt það að henni miðar ekkert áfram og Ísland virðist ætla að vera eina ríkið sem ætlar að skattleggja sig til helvítis úr þessari kreppu, önnur lönd keppast frekar við að lækka skatta til að fá innspýtingu í kerfið.