Lögmál Steingríms.

Hvað höfum við með lögfræðleg álit að gera? Steingrímur hefur sagt okkur hvernig þetta á að ganga fyrir sig. Líklega lært það í jarðfræðináminu í háskólanum. Eða hvað? Sannleikurinn er sá að það verður að að fella þetta frumvarp. Hræðsluáróður SF og Steingríms má ekki verða til þess, að barnabörnin okkar verði í þrælabúðum skuldafjötranna næstu áratugina. Fellum ríkisábyrgðina, drögum umsókina um aðild að ESB til baka og snúum okkur annað eftir aðstoð og samvinnu. ESB. með Breta, Þjóðverja og Hollendinga í broddi fylkingar eru bara lítið brot af efnahagskerfi heimsins. Það verður að koma vitinu fyrir ráðherra þessarar ríkisstjórnar. Við komumst út úr vandræðunum ef við breytum stefnunni. Það er t.d. ömurlegt að auka ekki veiðar okkar um sinn. Það yrði eins og vítamínsprauta fyrir atvinnulífið. Hrokinn, valdagleðin og heimskan verður að víkja fyrir skynseminni.

Lagalegur vafi og ágreiningur

Athugasemdir

[Gunnlaugur I., 23.12.2009 kl. 14:20]

Sæll Sigurður.

Ég er líka algerlega í losti yfir þessu rugli og að Steingrími ætli að takast að snúa megnið af þingflokki VG í þessu hræðilega máli er hrein skelfing. Allt í boði Samfylkingarinnar.

Nóg var nú samt að þurfa að horfa uppá svikinn hjá honum þegar hann gekk umyrðalaust á bak orða sinna og samþykkti þessa dæmalausu ESB umsókn sem sundrað hefur þjóðinni til óbætanlegs tjóns.

Ég var stuðningsmaður VG í s.l. kosningum en alveg eins og þú hef ég orðið fyrir svo gríðarlegum og miklum vonbrigðum, að það hálfa væri nóg.

Ég er að vona að á síðustu stundu átti sig fleiri þingmenn VG á að þetta eru þvílíkir þrælasamningar að þeir gangi gegn ægivaldi Steingríms J. og greiði atkvæði gegn þessum nauðarsamningum og með sinni sannfæringu og með því fólki sem kom þeim á þing til þess að gæta þar hagsmuna þjóðarinnar.

Lifðu heill og gleðilega hátíð og hafðu þökk fyrir góðar blogggreinar á árinu sem er að líða.

                            ÁFRAM ÍSLAND - EKKERT ESB !

[Sigurður Sveinsson, 23.12.2009 kl. 14:34]

Takk fyrir innlitið og góðar óskir. Við skulum enn vona að þetta blessaða fólk nái áttum áður en þar verður um seinan. Bestu óskir um gleðilega hátíð til þín og fjölskyldunnar.