Ómark.

Það er augljóst að Einar K. hafði ekkert umboð til að gefa út þennan kvóta. Hinsvegar skiptir litlu með að bíða með að afturkalla hann þangað til við höfum kosið. Það væri hið eðlilega að þeir sem þjóðin kýs taki ákvörðun.

Hvalurinn setur hnút í Frjálsynda

Ógeð.

Þessi dómur er svartur blettur í dómsmálasögunni.  Hvernig má það vera að svona ógeðslegt athæfi sé talið refsilaust? Ef hæstiréttur telur sig ekki geta refsað þessum manni verður að gera breytingar á lögunum strax. Þetta eru líka skilaboð til annara sem haldnir einhverskonar ónátturu til barna.

Krefjast lagabreytinga í kjölfar niðurstöðu flengingarmáls

Efndir.

Mér finnst þetta glæsileg byrjun. Á þriðja degi í embætti hefur Obama staðið við eitt af kosningaloforðunum. Þessar fangabúðir hafa verið smánarblettur á BNA síðan Bush kom þeim á laggirnar. Þarna hafa margir verið pyntaðir og verið haldið árum saman án ákæru eða nokkurra sannana um afbrot. Við fylgjumst með og fögnum þegar þessum hryllilega stað verður lokað fyrir fullt og allt.

Lætur loka Guantanamo-búðunum

Truflun.

Það er nú mergurinn málsins að það þarf að trufla störf núverandi ríkisstjórnar. Þráseta hennar er orðin þjóðinni dýrkeypt.Skipa utanþingsstjórn með nokkra duglega sérfræðinga innanborðs uns þjóðin hefur gefið nýju fólki umboð til stjórnarmyndunar.

Ekki hjá því komist að kjósa á þessu ári

Afneitun.

Það var einkennilegt að fylgjast með forsætisráðherranum í Kastljósi í gærkvöldi. Eftir 18 ára stjórnarsetu Sjálfstæðisflokksins stöndum við nú í rjúkandi rústum. Ábyrgð Framsóknarflokksins er líka mikil á ástandinu. Fókið í SF virðist vera að átta sig á að þessi ríkisstjórn á enga framtíð. En Geir lemur hausnum við steininn. Hann er í björgunarleiðangri. Mokar skaflinn með Ingibjörgu. Það lá við að ég hreinlega vorkenndi ráðherranum. Mér detta í hug sumir gömlu hreppsstjórarnir sem héldu að enginn gæti stjórnað nema þeir sjálfir. Höfðu stórar áhyggjur af heiminum þegar þeir létu af störfum. Það sjá það flestir að stjórnin á ekki langt eftir. Nema Geir Haarde. Hann talar um stjórnlaust land ef ríkisstjórnin fer frá. Ekkert hægt að gera ef hann lætur stýrið af hendi. Þetta er auðvitað fráleitt. Það er lítill vandi að búa til ríkisstjórn sem sæti fram að kosningum í apríl eða maí. T.d. utanþingsstjórn eða minnihlutastjórn sem varin yrði vantrausti. Það er knýjandi nauðsyn á að vinna hratt í þessu efni. Hver dagur er dýr og við verðum að stöðva grjótkast og táragasnotkun. Forsætisráðherra segir að stjórnin njóti trausts og hafi mikinn þingmeirihluta. Það yrði honum til sóma að viðurkenna staðreyndir og biðjast lausnar. Leyfa þjóðinni að stokka spilin og gefa uppá nýtt.  Mín spá er sú að helgin muni bera stórtíðindi í skauti sér. Ingibjörg Sólrún er væntanleg heim. Ég vil nota tækifrærið til að senda henni góðar kveðjur og bataóskir. Ég vona að henni megi hlotnast kraftur til að vinna sigur á veikindunum og að hin góðu öfl verði henni hliðholl á öllum sviðum.

Þjófagengi.

Hvað á að bíða lengi með handjárnin? Eru engin takmörk á linkindinni við mennina sem hafa sett landið á hausinn  með svindli og svínaríi? Bundið börnin okkar og barnabörnin á skuldaklafa um mörg ókomin ár.Hér eru menn settir í fangelsi fyrir að stela einu kjötlæri en gangsterarnir virðast ósnertanlegir. Það er svo sem góðra gjalda vert að setja upp rannsóknarnefndir. Þær vinna þó með hraða snigilsins og þjófarnir brosa bara. Langlundargeð almennings er á þrotum. Ríkisstjórnin ætti að hundskast frá strax á morgun. Það eru flestir nema hún sjálf búnir að fá nóg.

Milljarðalán án áhættu

Madame framsókn.

Þessi samþykkt skiptir ekki nokkru máli. Framsóknarflokkurinn er á grafarbakkanum og nánum verður brátt sópað ofaní. Ég ætla ekki að vera viðstaddur útförina en fagna heima hjá mér.

Mikil samstaða sterk fyrir flokkinn

Sko til.

Loksins eitthvað jákvætt. En hvað skyldu þeir Gísli Freyr, Vilhjálmur Örn og Snorri í Betel segja?

Heimsókn Ísraela til Íslands afþökkuð

Köttur útí mýri.

Því miður er til of mikið af fólki sem hatar hunda og ketti. Ég bý sjálfur í blokk með 14 íbúðum. Sem betur fer eru grannar mínir umburðarlyndir. Kötturinn minn veitir mér mikla gleði og félagsskap. Það er enginn einn sem hefur lítið vinalegt dýr hjá sér. Þessi ágæti maður ætti bara að ná sér í góðan vin og spyrja hvorki kóng né prest.  Ég sendi honum mínar bestu kveðjur og styð hann heilshugar.

Einbúinn við Suðurlandsbraut

Ábending.

Þetta er alveg rakið fyrir Heiðar Má þegar hann kemur aftur af suðurpólnum.

Með þyrlum á skíðasvæðin