Mikil speki.

Spaklega mælt hjá ISG. Auðvitað stendur fólk ekki í sömu sporum eftir að hafa selt sálu sína fyrir baunadisk. Þeir eru mjúkir stólarnir og SF fer létt með að svíkja kjósendur sína. Hvenær skyldi þessi hugsjónalausa moðsuða vella alveg upp úr pottinum?

Sömdu um málamiðlun í stóriðjumálum

Varúðar þörf.

Kynferðisbrot eru að sjálfsögðu viðurstyggðin ein. Samt sem áður er það vond stefna ef slaka á á kröfum um sönnunarbyrði. Gamla máltækið um að betra sé að 10 sekir sleppi en að að einn saklaus sé dæmdur, er enn í fullu gildi.

Dómari segir slakað á kröfum

Blíða.

Er vindur strýkur vanga

og vorsólin skín.

Þá er gott að ganga

götuna til þín.

Litlar efndir.

Fyrir kosningar lofuðu flestir, ef ekki allir stjórnmálaflokkarnir, að afnema stimpilgjöld. Ég ætla svo sem ekki að gera lítið úr þessu skrefi en skelfing er það nú stutt. Metnaðinn til að standa við gefin loforð vantar alveg. Ungu fóki er nánast ókleyft að kaupa íbúð í dag. Verðbólgan á ólöglegum hraða, hæstu vextir í heimi og stjórnarherrarnir kunna betur við sig  erlendis en hér heima. Hvernig væri nú að vera heima um sinn, vinna verk sín og standa við gefin loforð?

Stimpilgjöldin afnumin

Köttur og jarðskjálfti.

Ég vinn í sögufrægu húsi á Selfossi. Sigtúnum, sem Egill Thorarensen byggði af mikilli reisn 1936. Sat þar við tölvuna þegar stóri skjálftinn reið yfir. Ég er nú fæddur hér á staðnum og oft upplifað skjálfta áður, Meira segja sá ég einu sinni jarðskjálfa. Það kom bara malbiksbylgja eftir götunni. Í gær var skjálftinn óvenjulangur. Fyrst hélt ég mér fast í skrifborðið. Þá fóra að rigna möppum yfir mig. Ég sleppti takinu og hljóp út úr húsinu. Ingólfsfjall sást varla fyrir rykkófi. Ég komst heim um kl. hálffimm. Ég bý einn með kettinum mínum og hafði áhyggjur af heimilinu og honum. Og það var ekki fögur sjón sem blasti við mér. Postulín, glös, leirtau og allskonar smáhlutir í méli og maski. En enginn kisi. Hann hafði stokkið fram af svölunum. Ég hófst handa við að moka upp gleri, taka niður þær myndir sem enn héngu á veggjunum. Athugaði síðan bílskúrinn þar sem jeppinn minn var. Smávægilega rispur á honum eftir hluti sem höfðu oltið um koll. Ég leitaði að kisa hér í kring. Árangurslaust. Íbúð okkar er á annari hæð í blokk í Ástjörninni. Svalagangur framan á blokkinni og gluggi hér í tölvuherberginu sem snýr að Ingólfsfjalli. Klukkan sex kom rauður haus í ljós í glugganum. Kisi kominn aftur. Gjörsamlega skjálfandi. Ég var snöggur að loka glugganum. Finna til mat og vatn og tala við þennan góða vin.  Hann var lamaður af skelfingu í allt gærkvöld. Mér tókst að sofna um miðnætti. Köttur undir rúminu. Svo vaknaði ég við ámátleg væl. Kisi við svalagluggann. Hann nánast grét eins og smábarn. Ég tók hann með mér inn aftur. Tókst að sofna á ný. Rumskaði svo við að eitthvað loðið og mjúkt tróð sér á milli hnjánna á mér og kom sér þar fyrir. Ég svaf svo til kl 7 en sá loðni kúrir enn undir sænginni. Ég ætla ekki að trufla hann og sötra mitt indæla kaffi. Þetta verður dagur sem verður minnisstæður. Mest er um vert að slys urðu fremur fá og ekki alvarleg. En það mun verða mikil sala í leirtaui hér á næstunni. Og það verður erfitt fyrir suma að moka upp kærum hlutum sem minningar tengjast við og koma þeim í tunnuna. Við vonum hið besta. Ég sendi öllum sem lentu í  vanda í gær mínar bestu kveðjur. Og ég varð bæði glaður og hrærður þegar ung og falleg kona hringdi dyrabjöllunni um tíuleytið. Hún var úr flugbjörgunarsveitnni á Hellu og við áttum stutt spjall á svalaganginum. Bestu þakkir fyrir það.

Afsláttur.

Af hverju leyfir lögreglan á Selfossi að menn brjóti lögin í heilan mánuð án viðurlaga?

Boðar aðgerðir gegn notkun nagladekkja

Batnandi fólki...

er best að lifa. Það hefur reynst okkur dýrkeypt að leggja niður strandsiglingar. Þar á íhaldið mesta sök. Ég get alveg tekið ofan fyrir Ármanni Kr. Ólafssyni og vona að hann fái stuðning í þessu máli. Steingrímur Sigfússon lagði þetta til í umræðuþætti fyrir síðustu kosningar. Bjarni Harðarson svaraði honum með því að segja að hann vildi færa þjóðfélagið aftur til ársins 1950. Vonandi er þetta ekki almenn skoðun í framsóknarflokknum. Þjóðvegir í þessu landi eru enn mjög bágbornir. Það myndi létta okkur róðurinn ef við kæmum sem mestu af þungaflutningunum út á sjó aftur. Það verður fróðlegt að sjá niðurstöðu hagkvæmnisathugana á þessari breytingu.

Strandsiglingar kall nútímans

Landsvirkjun..

er við sama heygarðshornið. Nánast góðverk við íbúana á bökkum Þjórsár að virkja. Leir Landsvirkjunar mun ekki fjúka. Minni flóðahætta á eftir. Svo segir upplýsingafulltrúinn í lokin að ef miklir skaðar verði muni bætur koma fyrir.

Segja hvorki hættu né skaða af virkjuninni

Glæsilegt.

Frábær endasprettur hjá ykkur, Stjörnur. Báðir titlarnir í höfn. Bestu hamingjuóskir í Garðabæ.

Stjarnan Íslandsmeistari

Út um græna grundu,

gakktu hjörðin mín. Þetta er nú eitt almesta grín sem ég hef heyrt lengi. Skyldi Paul Watson hafa séð þetta? Álfurstinn orðinn að græningja? Held að við ættum að bjóða ritstjóranum hingað og upplýsa hann pínulítið.

Geir er grænastur leiðtoga