Siðrænir humanistar.

Ég skil vel að einhverjir þingmenn nenni ekki að sitja undir  prestavoli í dómkirkjunni fyrir þingsetningu. En það væri örugglega farið úr öskunni í eldinn að sitja á hótel Borg í staðinn. Hinir sjálfskipuðu siðapostular í félaginu Siðmennt eru hálfu verri en prestarnir. Nafnið á félaginu er hrokafullt eitt og sér. Þeir virðast telja sig umkomna að kenna okkur hinum góða siði. Hafa einkarétt á siðferðinu. Í gamla daga sátu kommarnir í kringlunni í þinghúsinu á meðan guðsorðið var framið í dómkirkjunni. Tefldu og sötruðu kaffi. Er ekki taflborðið til enn?

Alþingi sett á morgun

Athugasemdir

[Egill, 15.5.2009 kl. 01:29]

voðalega misskilur þú hugmyndina sem þarna liggur að baki.

siðmennt eru á engan máta siðapostular, einmitt hitt, þeir vilja ekki að neinn hafi einhvern tékka sem leyfir þeim að halda að þeirra orð hafi meira vægi en annara þegar kemur að því að ræða um hvað sé rétt og rangt, sem í gegnum tíðina hefur verið í veski þeirra sem trúa á hina og þessa guði.

er sammála því að góð og mannbætandi athæfi eins og að tefla mætti vera algengari hér á landi, þó ekki væri nema að æfa þingmenn í að hugsa fram í tímann og að setja sér einhver plön, en vera tilbúnir að breyta til ef hlutirnir þróast þannig og tala nú ekki um að hafa allt "uppá borðinu"

en það kennir ekkert félag öðrum góða siði, þetta er allt prentað í okkur, eru ákveðin smá atriði sem þarf að fínpússa eða laga að nútímanum og þá fyrst þarf að moka skítnum út áður en við förum í þá umræðu, skíturinn verandi reglur tengdar trúarbrögðum hvers kyns.

[Sigurður Sveinsson, 15.5.2009 kl. 07:22]

Ég sagði mig úr þjóðkirkjunni fyrir nokkrum árum. Það var fyrst og fremst vegna þess að mér blöskraði boðskapur margra presta hennar. Rifrildi þeirra um ýmis grundvallarmál í samfélaginu.Ég virði trú kristinna manna eins og annara og ég mun hafa kristin gildi í hávegum áfram. Eins og heiðarleikann og fyrirgefninguna. En það getur verið erfitt að fyrirgefa ef engin iðrun er til hjá þeim sem fyrirgefið er. Ég læt mér fyrirbæri eins og félagið Siðmennt í léttu rúmi liggja. Þeir geta predikað eins og aðrir. En fólk verður að vera umkomið þess að geta predikað yfir öðrum. Það skortir mikið á að svo sé hjá Siðmennt.