Óhæfa.

Til hvers höfum við forsætisráðherra? Er það verjandi að forsætisráðherra " haldi sig til hlés" eins og fyrrum ritstjóri Þjóðviljans segir? Talar ekki ekki við blaðamenn né yfirleitt við nokkurn annann. Það eina sem þessi kona getur er að siga Steingrími J. Það er líka auðvelt því hann hlýðir öllu sem hún segir. Mikið óskaplega er dapurt að vera vinstri maður og hafa kosið þetta vonlausa fólk yfir sig. Það hækkar neysluskatta á hverjum degi. Skatta sem bitna harðast á þeim sem minnst hafa og hækka íbúðalán þeirra í leiðinni. Hvar er hin nýja sýn og hin nýju úrræði? Helvítis fokking fokk barasta.

„Verður að ræða meira við erlenda fjölmiðla“

Athugasemdir

[Sigrún Lilja (IP-tala skráð) 10.9.2009 kl. 07:54]

Ég hef heyrt að Jóhanna tali ekki ensku eða annað erlent tungumál (sel það þó ekki dýrara en ég keypti það) - minnug þess þegar hún talaði við erlenda fjölmiðla í vor þá var hún með túlk. Mér finnst það ótækt ef rétt er, að hún tali illa eða ekki erlend tungumál. Finnst ykkur hægt að æðsti ráðamaður þjóðarinnar geti ekki talað við erlenda fjölmiðla? Enskan hans Geirs Haarde var nú kannski ekki uppá marga fiska en hann talaði þó við fjölmiðla, innlenda sem erlenda - jafnvel þótt samfélagið væri á hliðinni og mikið væri að gera - það verður þó ekki af honum tekið.

[Erna Kristín (IP-tala skráð) 10.9.2009 kl. 08:14]

Ég er svo hjartanlega sammála þér.  Skil ekki hvernig hún kemst upp með þetta.  Ég hefði haldið að það væri mjög mikilvægt að hún væri sýnileg og stöðugt í viðtölum út um allan heim.... svo ekki sé talað um að leyfa okkur Íslendingum að sjá og heyra í henni annað slagið.

Jóhanna hefur valdið mér miklum vonbrygðum og hún hefu fallið gífurlega í áliti hjá mér.  Þetta er kona sem ég var svo stolt af að yrði forsætisráðherrann okkar en annað hefur svo sannarlega komið á daginn.

[S (IP-tala skráð) 10.9.2009 kl. 09:33]

Mér finnst þetta bara skandall! Auðvitað á forsætisráðherra að vera að berjast á hæl og hnakka að koma sjónarmiðum okkar Íslendinga á framfæri erlendis. Ekki "halda sig til hlés" á þessum síðustu og verstu tímum.

Ein athugasemd til Sigrúnar Lilju sem kommentaði hér að framan: Geir talar mjög góða ensku, orðaforði hans mjög góður þó svo að framburðurinn sé kannski "norðurlandalegur". Geir var búsettur í Kanada þar sem bæði er töluð enska og franska og var þar í námi. 

[Sigrún Lilja (IP-tala skráð) 10.9.2009 kl. 20:55]

Alveg rétt S - ég átti kannski helst við framburðinn þegar ég talaði um enskuna hans Geirs, þessi hluti færslunnar hljómaði ver en ég ætlaði.