Raunir íhaldsins.

Hvernig nennir ærlegt fólk að eltast við yfirlýsingar Árna Johnsens? Hann hefur aldrei og mun aldrei skilja af hverju heiðarlegir kjósendur strika yfir nafn hans á framboðslista. Nema þetta sé sama fólkið og byrlaði honum eitrið?

Fásinna að útstrikanir hafi verið skipulagðar í Árborg

Neyðin kennir...

naktri konu að spinna. Í mjög mörgum tilvikum getum við notað bílana okkar lengur en við höfum gert. Það er full ástæða til þess nú. Aðalatriðið er þó að gæta öryggis. Skoðunarmenn verða að vera enn betur á verði í svona ástandi. Ég á 18 ára gamlan bíl. Hann er enn í góðu lagi og dugar örugglega nokkur ár enn ef vel er hugsað um hann.

Gömlu bílarnir lifa lengur

Góður bandamaður.

Þetta kemur mér ekki á óvart. Bjarni Harðarson lætur skynsemina ráða. Fullyrðingar samfylkingarfólks um að við getum samið okkur undan sjávarútvegsstefnu ESB eru alrangar. Reyndar gildir það sama um auðlindir okkar á landi.Þeir vita það jafnvel sjálfir þó það sé talið henta að halda öðru fram nú. VG hefur sagt að þjóðin eigi að ráða. Hvað er lýðræðislegra en það? ESB áróðurinn er hreint trúboð. Góður liðsmaður hefur nú bæst í hóp stuðningsmanna VG hér á suðurlandi. Ég óska Bjarna til hamingu með þessa ákvörðun.

Bjarni Harðarson styður VG

Lýðræði andskotans.

Það er tími til kominn að íhaldið átti sig á breyttum veruleika. Það er ekki lengur hryggjarstykkið í pólitíkinni. Umræðan um breytingarnar á stjórnarskránni sýna að það verður að breyta þingskaparlögum. Ef minnihluti getur kúgað meirihluta þingsins til uppgjafar með málþófi verður að breyta reglunum. Það var fyrst og fremst verk Björns Bjarnasonar að engar breytingar voru gerðar á stjórnarskránni. Hann sagðist myndu tala fram að kosningum ef á þyrfti að halda. Kannski er hann sjálfur ánægður að þetta skuli hafa verið eitt af síðustu verkum hans á þingi. Sem betur fer eru nú góðar líkur að sjálfstæðisflokkurinn bíði sögulegt afhroð í þingkosningum og verði áhrifalítill um næstu stjórn landsins. Það verður þó að koma í veg fyrir að þingmenn hans geti með ofbeldi stöðvað framgang góðra mála.

Engin ESB-aðild án atbeina Sjálfstæðisflokks

Auðvitað.

Stundum þurfa ráðherrar að slá á puttana á undirmönnum sínum. Þetta fallega dýr fær að sjálfsögðu að lifa. Reglurnar sem umhverfisstofnun vitnar í eiga einfaldlega alls ekki við í þessu tilfelli. Hjónin sem björguðu blessaðri skepnunni frá bráðum bana eiga heiður skilinn fyrir það. Þar var manngæskan ein að verki.

Mun tryggja að Líf fái líf

Sannleikur?

Einn forsíðubloggarinn hér á Moggablogginu heitir Hjörtur J. Guðmundsson. Hann, eins og fleiri, leyfir engar athugasemdir við skoðanir sínar. Í nýjasta pistli sínum segir hann það æðsta markmið flokks Katrínar Jakobsdóttur að koma Íslandi undir stjórn evrópusambandsins. Það vita það flestir að þetta er haugalýgi.  Þetta er þó kunn aðferð áróðursmeistaranna. Tilgangurinn helgar meðalið. Göbbels var t.d. nokkuð góður í þessu. Hvernig er fólk vinsað út til að verða forsíðubloggarar? Jafnvel 2ja daga pistlar birtast aftur og aftur. Nú ætla ég ekki að halda þvi fram að forsíðubloggarar svona almennt séu eitthvað verri en við hin. Þarna eru t.d. þónokkrir þingmenn. Jón Bjarnason vinstri grænn gefur engan kost á athugasemdum. Ekki heldur litli pókerspilarinn í framsókn. Og þeir eru miklu fleiri. Svo eru einnig margir sem ritskoða athugasemdirnar og birta þær ekki ef hinum heilaga sannleika er mótmælt. Dæmi um þá eru t.d. Stefán Friðrik Stefánsson og Árni Þór Sigurðsson. Ég hef nokkrum sinnum gert athugasemdir hjá svona bloggurum. En bara einu sinni hjá hverjum. Það er meira en nóg.

Fjáröflun.

Fróðlegur listi. Nú bíðum við eftir sundurliðun á 45 milljónum hjá SF. Samkvæmt ársreikningi VG 2006 fengu þeir 5.092.263 krónur. Það eru auðvitað smáaurar miðað við hina og væntanlega hægt að fá sundurliðun yfir það líka. Það er líka nauðsyn á sundurliðun frá frjálslyndum og síðast en ekki síst frá framsókn. Það er krafa almennings að þetta fáist allt á hreint.

Landsbankinn veitti 2 styrki

Óumbeðinn erindrekstur.

Það er til lögfræðilegt hugtak sem heitir þessu nafni. Bera forustumenn sjálfstæðisflokksins enga ábyrgð? Hver bað þessa ókjörnu fulltrúa flokksins um að afla fjár?  Er þetta ekki heldur aumlegt yfirklór?  Hversvegna tók flokkurinn við þessu fé af þeim sem lögðu það til? Það er ekki mjög trúverðugt að iðrast loks þegar málið er komið uppá yfirborðið.

Ekki kjörnir fulltrúar flokksins

Verðhjöðnun.

Ef það reynist rétt að við megum búast við verðhjöðnun næstu mánuði, af hverju má þá ekki hafa vaxtaákvörðunardag í hverjum mánuði. Neysla okkar er að hraðdragast saman og þá ætti að vera tækifæri til að lækka vexti hratt. Núverandi okurvextir er allt og alla að drepa.

Stýrivextir lækkaðir í 15,5%

Nokkuð langt gengið.

Það eru nú ýmsar ástæður fyrir að dregist geti að fara með bílinn í skoðun. Fjárhagur margra er í rjúkandi rústum. Í fyrsta sinn í mörg ár náði ég ekki að borga bifreiðagjöldin á réttum tíma og fékk því á mig dráttarvexti. Jóhanna sagðist vera búinn að lækka þá. Þeir eru nú samt enn 25.1%. Kannski fáum við svona eins og eitt prósentustig til viðbótar í dag. Nú geta fáir venjulegir launamenn lækkað yfirdráttinn í bankanum. Enn síður þeir sem enga atvinnu hafa. Þetta eru dýrustu lán heimilanna. Og við borgum nú ekki bara okurvexti af lánunum okkar. Það þarf næstum orðabók yfir allt hitt. Innheimtulaun, innheimtukostnaður, viðvörunargjald, vanskilagjald, vanskilakostnaður, ítrekunargjald. Mér kæmi ekki á óvart að við fáum líka hótunargjald. Ef engu er sinnt taka innheimtufyrirtækin við. Intrum, Momentum og hvað þau nú öll heita. Þá fáum við aukaálögur. Þær renna ekki bara til innheimtufyrirtækjanna. Ríkið heimtar t.d. bæði fjárnámsgjöld og uppboðsgjöld. Og við verðum að borga meðan blóðið rennur í æðum okkar. Glæpahyskið sem setti okkur á hausinn er samt stikkfrí. Glottir út í annað og fær 75 milljónir að láni til að klára vínkjallarann í höll sumarlandsins. Andskotans fokking helvíti bara. 

Vanrækslugjaldið hefur fært ríkinu tugi milljóna