Kokkteilpinni.

Margt í utanríkisþjónustunni er komið út í algjöra dellu. Kristrún Heimisdóttir var ein af senditíkum ISG í því fáfengilega verkefni að reyna að komast inní öryggisráð SÞ. Í fyrsta lagi eigum við ekkert erindi þangað og í öðru lagi áttum við aldrei neina möguleika á því. Þarna var a.m.k. hálfum milljarði hent út um gluggann. Kannski að Kristrún hafi verið í pönnukökubakstrinum í USA. Sá bakstur var reyndar algjör móðgun við þetta íslenska hnossgæti. Það á strax að draga stórlega saman seglin á þessu sviði. Lofum senditíkunum bara að vera í fýlu.

Engir kokteilpinnar

Nótt.

Nákaldur vindur næðir um torg og stræti

nóttin er þung og dimm.

Kafrauðir draugar kunna sér ekki læti,

kerlingin önug og grimm.

Umsókn.

Við ætlum að sækja um ESB strax eftir kosningar segir Dagur. Ég spyr nú bara: Í umboði hvers. Annaðhvort er þetta hroki af verri sortinni eða skortur á dómgreind. Hvort tveggja ef til vill.

Dagur nýr varaformaður

Grátkór.

Það er hálfátakanlegt að fylgjast með fréttum af þessari samkomu. Þar játa menn syndir sínar en botna svo ekkert í að fylgið er að hrynja af flokknum. Það er bara einföld staðreynd, sem betur fer, að unga fólkið er að átta sig á eðli þessa flokks enda  hefur stefna hans og fólksins sem hefur framfylgt henni leitt hörmungar yfir þetta sama unga fólk. Og reyndar miklu fleira fólk. Það eru margir orðnir þreyttir á " sjálfstæðisstefnunni". Stefnunni, sem hefur valdið hér algjöru hruni eftir 18 ára setu sjálfstæðismanna við stjórn landsins.  Nú er nóg komið. Flokkurinn verður að sætta sig við að sleikja sárin næstu árin.

„Þurfum að opna flokkinn“

Siðferði.

Veit þessi maður ekki hvað siðferði er? Síðan hvenær er líklegt að 1. sætið í Reykjavík suður sé líklegt þingsæti fyrir framsókn. Flokkurinn á engan þingmann í Reykjavík eins og er. Auðvitað var ofureðlilegt að að Vigdís fengi launalaust leyfi fram að kosningum. Yrði hún þingmaður hætti hún endanlega. Ef ekki tæki hún við starfi sínu á ný. Þetta sjá allir nema Gylfi Arnbjörnsson. Þetta er annarlegt mál forseta ASÍ til lítillar sæmdar.

Engin flokkspólitík

ASÍ ehf.

Ég hef alveg hreina samvisku af að hafa kosið framsóknarflokkinn og mun halda henni þannig áfram.  En þessi gjörningur prókúruhafans hjá ASÍ ehf er fyrir neðan allar hellur. Hann virðist halda að hann geti brotið mannréttindi á saklausu fólki að vild sinni. Ég skora á Vigdísi að leita réttar síns í þessu máli. Svona skandal á að stöðva. Það væri nær að prókúruhafinn sjálfur tæki pokann sinn.

Fordæma uppsögn Vigdísar

Forlát.

Þessi talsmaður ESB ætti að segja af sér strax. Hann hefur margsýnt að hann er óhæfur sem verkalýðsforingi. Ég hugsa nú til manna eins og Hannibals, Eðvarðs og Benedikts Davíðssonar. Gylfi virðist vera í fílabeinsturni með sína milljón á mánuði.  Hann hefur verið talsmaður verðtryggingar á húsnmæðislán þó löngu sé búið að afnema hana á launin.

Verða að biðjast afsökunar

Jón og séra Jón.

Skattyfirvöld hafa nú fengið upplýsingar frá bönkunum um innistæður allra landsmanna á innlánsreikningum sínum. M.a. til þess að ríkið geti skert bætur til gamalmenna og öryrkja. En leyndin grúfir enn yfir ýmsu öðru. Sérstakur saksóknari hefur ekki fengið aðgang að ýmsum gögnum, sem honum eru nauðsynleg, svo koma megi lögum yfir glæpahyskið sem sett hefur landið á hausinn. Þessi ágæti maður var eins og álfur út úr hól í viðtali í síðustu viku. Spaugstofan gerði viðtalinu ágæt skil í þætti sínum á laugardaginn. Við erum að verða langþreytt á seinaganginum. Það verður enginn friður í samfélaginu fyrr en allur sannleikurinn verður leiddur í ljós. Þ.e.a.s. sá hluti hans sem ekki er búið að afmá í pappírstæturunum. Nú er bara að taka málið " föstum vetttlingatökum" eins og framsóknarmaðurinn sagði. Burt með pukrið og leyndina. Látum glæapalýðinn taka afleiðingum gerða sinna. Veislunni á að ljúka og nú verður bara vatn og brauð framundan.

Hælarnir voru niðri í viðskiptaráðuneytinu

Siðasta orðið?

Það á að spyrja þjóðina fyrst. Hún á að hafa fyrsta orðið og það síðasta líka. Það er ólýðræðislegt að sækja um aðild án þess að spyrja þjóðina áður. Þetta er ákaflega stórt mál og þjóðin er þverklofin í afstöðunni til ESB. Það væri auðvitað fáránlegt ef afstaða flokka til ESB málsins kæmi í veg fyrir að við fengjum góða ríkisstjórn að loknum kosningum. Ríkisstjórn, sem hefði hag hins almenna borgara í fyrsta sætinu og hreinsaði almennilega til eftir alltof langa stjórnarsetu íhalds og framsóknar. Vonandi ber forustufólk VG og SF gæfu til að láta skynsemina ráða.

Þjóðin sjálf hafi síðasta orðið

Gorgeir.

Það vantar ekki sjálfálitið í bæjarstjórann í Hafnarfirði. Hann taldi sig nánast sjálfkjörinn í 1. sæti listans og hefur verið í heilagri fýlu síðan úrslitin urðu ljós. Nú telur hann að farsælast sé að hann skipi baráttusætið. Langbestur í það. Eðlilegast hefði að verið að hann viki hreinlega af listanum úr því hann getur ekki sætt sig við ósigur.

Lúðvík Geirsson í baráttusætið í Kraganum