Glóra.

Ég held að þessi hugmynd sé sú langskásta af þeim tillögum sem fram hafa komið. Ef ekkert verður að gert fer helmingur þjóðarinnar á hausinn. Sanngirnisrök mæla líka með þessari leið. Þá getum við áfram búið á heimilum okkar og höfum í okkur að borða. En það má alls ekki bíða lengur. Ríkisstjórninni verður fyrirgefið sumt af afglöpum sínum ef hún lætur nú hendur standa fram úr ermum og framkvæmir loks eitthvað vitrænt.

Grunnur að lausn á vanda heimila?

Orð og efndir.

Á fundi í Háskólabíói rétt fyrir kosningar var Steingrímur spurður um afstöðu sína til verðtryggingarinnar. Hann svaraði því til að hann vildi afnema hana og fékk mikið lófaklapp. Hvernig væri nú, Steingrímur, að standa nú einu sinni við orð sín. Svona til tilbreytingar. Nánast allar mínar tekjur fara í þessa endalausu verðbólguhít og svo er um tugþúsindir íslendinga. Ríkisstjórn Steingríms og Jóhönnu, draumastjórn hinna vinnandi stétta, er orðin að algjörri martröð.

Háskalegt að borga ekki

Hroki.

Þessi maður hefur margsýnt að hann er hrokagikkur. Telur sig þess umkominn að kenna öðrum góða siði. Ég er löngu hættur að lesa pistlana hans sem margir dásama samtökin Siðmennt. Samtök, sem eru öllum trúarbrögðum miklu verri.

Uppreisn gegn stimpilklukku

Skandall.

Þessi útvarpsskattur er algjör skandall. Best væri að leggja þessa ömurlegu stofnun niður. Hún hefur snarversnað síðan hún var gerð að opinberu hlutafélagi. Sjónvarpsefnið er algjörlega vonlaust. Ef fólk vill halda í þetta hræ ætti að gera það að áskriftarsjónvarpi eins og stöð 2. Þá gætu menn keypt sér aðgang að Páli, Þórhalli, Popppunkti og öllu hinu ruslinu og við hin gætum haldið aurunum eftir í veskinu.

Pappírsfélögin greiða líka útvarpsgjald til ríkisins

Regluverk.

 Þessar nýju tillögur um breytingar á umferðarlögum eru sumar svo vitlausar að þær gætu sem besta hafa orðið til í höfði einhvers starfsmanns umferðarstofu. Mér list svo sem ekki illa á að hækka bílprófsaldurinn í 18 ár. En forræðishyggjan um farþegafjölda á ákveðnum tímum er svo fábjánaleg að engu tali tekur. Flest unga fólkið hefur ekki minni ábyrgðarkennd en við hin. Við eigum að treysta því. Ég tek líka undir með ungu íhaldmönnunum að það eigi að lækka áfengiskaupaaldurinn í 18 ár. Það er kominn tími til að staldra við. Þessi endalausa forræðishyggja stjórnvalda virðist ekki eiga sér nein takmörk. Fyrir nokkrum árum voru þúsundir ungmenna svift sjálfræði sínu með einu pennastriki af því það átti að auðvelda forráðamönnum barnaverndarmála að taka nokkur ungmenni úr umferð. Þessi ríkisstjórn er við sama heygarðshornið og hinar fyrri. Ekki vantaði smjaðrið og loforðin fyrir kosningar.Gull og grænir skógar framundan. Efndirnar láta á sér standa og hvert skemmdarverkið tekur við af öðru. Köstum henni á ruslahaugana þar sem hún á heima.

Ólíklegt að höft á unga ökumenn skili árangri

Leggjum umferðarstofu niður.

Það fara miklir peningar í rekstur umferðarstofu. Hún hefur alla tíð verið vitagagnslaus. Jafnvel verri en ekki neitt. Leggjum hana niður strax og notum alla fjármunina til að efla lögreglu landsins. US er táknmynd um óþarfa ríkisstofnun sem hlaðið hefur utan á sig. Blaðurskjóðurnar þar eru bara tilræði við geðheilsu þjóðarinnar og flestir yrðu fegnir að losna við þær. Bílaskráningin færi til skoðunarstöðvanna og hin "verkefnin" til lögreglunnar. Ennfremur legg ég til að líktalningarmannvirkið fyrir ofan Draugahlíðina verði fjarlægt í fyrramálið.

Bágborin staða lögreglunnar

Kjúklingabandalagið.

Fyrsta skrefið að innlimun í ESB hefur verið stigið. Steingrímur aðalritari telur það vera í samræmi við ályktun flokksþings VG. Ég tek ofan fyrir þeim þingmönnum VG sem létu ekki kúga sig. Flokkar hafa löngum svikið kosningaloforð sín. Kvöldið fyrir kosningarnar í vor var undirritaður í vafa um hvernig hann verði atkvæði sínu. Ég hafði ekki ástæðu til annars en að treysta orðum Steingríms að hann væri andvígur ESB.  En loforð virðast fallvölt. Steingrímur er nú óumdeilanlegur meistari í kosningasvikum. Ég mun ALDREI kjósa VG framar. Kvislingarnir í Noregi báðu flestir um vægð eftir stríðslok. Það örlaði á iðrun hjá þeim. Steingrímur reynir að réttlæta svik sín. Til þess að við getum étið ódýrari kjúklinga. Það virðist ekki skipta máli þó íslenskur landbúnaður verði lagður í rústir. Það er líka löngu alkunn staðreynd að við fáum engar varanlega undanþágur frá fiskveiðistefnu ESB. Allir fiskistofnar ESB ríkjanna eru í auðn eftir rányrkju undanfarinna ára og þau horfa hýru auga eftir fiskinum okkar. Það gerir líklega ekkert til því við fáum bara nóg af kjúklingum í staðinn. Steingrímur kallaði mann einu sinni druslu og gungu. Stundum verða orð að áhrínsorðum. Það hefur sannast hér. Aðalritari VG er drusla og gunga. Það er lítið mál fyrir slíkt fólk að svíkja kjósendur sína. Megi skömm hans og hinna druslnanna í VG ekki gleymast.

Flott djobb fyrir hina heilögu.

Hér er sannarlega starf í boði fyrir formann og yfirsópriðil Samfylkingarinnar. Tvær flugur í einu. Hún fær starf við hæfi og við losnum við hana.

Norn óskast: 10 milljóna króna árslaun í boði

Blekkingar.

Er þetta ekki nóg til að eyða öllum vafa í huga þeirra þingmanna VG sem enn sjá ljósið? Össur gerir það sem honum og SF hentar í icesave málinu. Það er aðgöngumiðinn að ESB sem kaupa skal, hvað sem hann kostar. Það væri þjóðinni til mikillar hagsældar ef VG myndi slíta þessu vonlausa stjórnarsamstarfi strax í dag. Setjum sópriðla SF út í kuldann og svo tökum við hin höndum saman um björgunarstarfið. Steingrímur! Þú yrðir meiri maður að því að hlusta eftir skynseminni. Það er engin vömm af því að skipta um skoðun. Þú á enn sjens. Nýttu hann.

„Mér er sagt það sé til“

Sauðska.

Munurinn á okkur og bandaríkjamönnum er sá, að kanarnir töku glæpamennina engum vettlingatökum. Hér spígspora glæponarnir um og eru enn við iðju sína. Allir ósnertanlegir þó nægar lagaheimildir séu fyrir því að handtaka þá. A.m.k. suma þeirra. Nú er u.b.b. meðgöngutími frá falli spilaborgarinnar og ekki verður annað séð en hraði snigilsins ráði för í rannsókninni. Því miður er allt stjórnkerfið gegnumrotið af spillingu. Ættartengsin blasa allsstaðar við. Áhuginn á að upplýsa glæpi þessara manna er takmarkaður. Þó landið sé á kúpunni er þeim peningum vel varið sem notaðir verða til að negla hina ósnertanlegu. Nú slettir fólk málningu. Og " öryggisverðir" stjórna því hvort myndir eru teknar af klessunum. Enginn útrásargangsteranna hefur snefil af samvisku. Virðast enn stoltir af verkum sínum. Gæti ekki verið að enn eigi ÓRG eftir að tylla orðu á einhvern þeirra?  Þá verður að drífa í því. Sauðarháttur gengur ekki í glingurglamrinu á Bessastöðum.  Til þess eru klappstýrurnar að klóra svona höfðingjum bak við eyrun.

Bankahrunið stærra en Enron