Hamskipti.

Löngu fyrir kosningar vildi Steingrímur skila láninu frá AGS. Hann vildi heldur ekki greiða icesave reikning íslensku glæpamannanna.  AGS er hér einungis sem erindreki fjármagnsins og þessvegna þarf að skera allt niður sem skorið verður. Ég er ekki í stjórnmálaflokki en kaus VG í kosningum. Það hefur orðið mér bitur reynsla. Hvernig getur það verið að önnur eins hamskipti hafi orðið á formanni VG. Ég held að ansi margir kjósendur VG hugsi á sama veg. Litli flokkurinn, sem varð stór eftir kosningarnar mun áður en langt um líður verða minnsti flokkurinn aftur nema þeir skynsamari í flokknum taki ráðin af formanninum.

Ríkið stígur fyrsta skrefið á langri ferð

Athugasemdir

[Sigurjón Pálsson (IP-tala skráð) 16.6.2009 kl. 09:54]

 Sæll Sigurður

þetta skrifaði ég nú á bloggið þitt fyrir kosningar:

"Það verður of seint að iðrast X-ins við VG, eftir kosningar, þegar samkomulag það, sem báðir heita að nást muni eftir kosningar um það hvernig Ísland skuli leitt í hásali Evrópusambandsins, verður orðið að veruleika.

Fari þetta svo, sem allt bendir til, þá á ég ekkert betra orð yfir VG en hækja, og teldist það pent orðað af mér því mér kemur mörg svæsnari í hug."

Sigurjón Pálsson, 22.4.2009 kl. 09:40

 Ég get bætt því við að ég hlakka ekki yfir því að þessi spá mín virðist hafa ræst.

kv.

sp

[dr. (IP-tala skráð) 16.6.2009 kl. 15:31]

Það er rétt hjá þér Sigurður að þetta eru mikil hamskipti hjá einum manni á svo stuttum tíma. Þar af leiðandi vil ég gjarnan vita hvað gerðist svo hann skipti um skoðun. Hvað fékk hann að vita þegar hann komst loks í stjórn?

Fyrir mér er þetta stóra málið.

Annað. Hvað var svona "ævintýralegt" sem hún Sif talaði um korter fyrir kosningu þegar hún og nokkrir aðrir fengu að vita hvað í raun gerðist í hruninu. Konu greyið var hálf grátandi í mbl fréttum út af þessu en svo heyrði maður ekkert meir af þessu.

Ég vil fá að vita.

[Sigurður Sveinsson, 16.6.2009 kl. 16:33]

Það er megn rotnunarlykt af Icesave málinu. Foringjar stjórnarflokkanna sögðu báðir fyrir kosningar að allt ætti að vera uppá borðinu. SF á að vísu Íslandsmetið í kosningasvikum svo þar kemur ekkert á óvart. En Steingrímur hefur haft orð á sér fyrir heiðarleika. Mér er þungbært að horfa uppá hvernig komið virðist fyrir meirihlutanum af VG. Reyndar er svo komið fyrir mér að ég treysti ekki einum einasta stjórnmálamanni lengur. Engin ný sýn, ekkert frumkvæði, sama spillingin.

[Sigurður Sveinsson, 17.6.2009 kl. 02:05]

Ágætt að einhver skuli ánægður með að borga skuldir glæpahyskisins. Ekki er ég glaður með það. Aðgerðirnar í ríkisfjármálum sem kynntar voru í gær eru reyndar skárri en hækkunin á neysluvörum almennings sem bitnar harðast á láglaunafólki auk þess að hækka skuldir heimilanna um 8 milljarða á einum degi. Vegna Icesave málsins ætti formaður VG að hlusta á Atla Gíslason í stað þess að lyppast niður fyrir ofbeldi breta. Atli Gíslason er skynsamur maður og hefur talað skýrt um aðrar leiðir vegna icesave. Þá er hann líka staðfastur í andstöðunni við ESB og mig undrar hvernig Steingrímur lætur SF valta yfir sig í því máli. Heilaþvottur SF á VG virðist furðu auðveldur. VG ættu að rjúfa þetta stjórnarsamstarf strax. Einangra hina hugsjónalausu samfylkingu í íslenskum stjórnmálum og lofa henni að sofna svefninum langa í draumalandi evrópusambandsins.

[Jakob Þór Haraldsson, 17.6.2009 kl. 12:38]

Kæri Sigurður tek HJARTANLEGA undir orð þín er þú segir: "Reyndar er svo komið fyrir mér að ég treysti ekki einum einasta stjórnmálamanni lengur. Engin ný sýn, ekkert frumkvæði, sama spillingin."  Maður horfir upp á endarlaust klúður & lygar frá þessum "atvinnulygurum sem starfa í stjórnmálum, verkalýðshreyfingunni, bank- og lífeyrissjóðs kerfinu.  Því miður mun skortur á TRAUSTI gera alla eðlilega uppbyggingu samfélagsins mjög erfiða, vægast sagt.

kv. Heilbrigð skynsemi