Sínum augum lítur hver á silfrið.

Skelfing værum við nú miklu fátækari ef við ættum enga listamenn. Það er yfirmáta fáfengilegt að vera að fjargviðrast yfir þessum smáaurum. Hefur fólk gleymt mönnum eins og Halldóri Laxness og Þórbergi Þórðarsyni? Að öllum hinum ólöstuðum. Þessi könnun kemur þó ekkert á óvart. Öfundin er lífseig meðal oss. Listamennirnir eru vel að þessum fjármunum komnir. Það er meira en hægt er að segja um ýmsa í stjórnsýslunni. Og fjöldamargir þeirra ráðnir út á flokksskírteinið eitt eins og gerst hefur löngum á landi hér.

Sex af tíu á móti listamannalaunum

Nú.

Einmitt það já. Ég hélt að hann væri í fjármálaráðuneytinu hér.

Segir djöfulinn hafa hreiðrað um sig í Páfagarði

Forsendubrestur.

Í lok árs 2008 gafst fólki kost á að frysta íbúðarlán sín hjá Landsbanka Íslands. Ég frysti lánin mín í 1 ár. Nú í janúar komu þau til greiðslu á ný. Þá var gert ráð fyrir að ég greiddi sömu upphæð af lánunum eins og ég hafði gert í janúar 2008. Mismunurinn færi inná einhverskonar biðreikning. En annað varð uppi á teningnum. Mér var gert að greiða um 24% hærri upphæð en viðmiðunartalan sagði til um. Ég fór í bankann og leitaði skýringa. Það stóð ekkert á skýringunni. Mikil verðbólga ársins 2009 og engar greiðslur af láninu það ár urðu til þess að mér bar að greiða þessi 24% til viðbótar. Þetta er nákvæmlega skjaldborg ríkisstjórnarinnar. Norrænu velferðarstjórnarinnar. Ráðherrarnir þykjast ekkert botna í þessu og kenna bönkunum um. Hver stjórnar þessu landi eiginlega? Undiraldan mun þyngjast vegna skuldavanda heimilinna. Það verður aldrei sátt í þessu þjóðfélagi ef ríkisstjórnin ætlar að hundsa kröfuna um leiðréttingu. Vandræðin sem öll uppboðin munu skapa verða margfalt dýrari en að taka á þessu vandamáli strax. Kannski er til of mikils ætlast að búast við siðbót frá þessari ríkisstjórn sem kennir sig við norræna velferð. Hún hjakkar í sömu hjólförunum líkt og hálffastir bílarnir síðustu daga. Það er ekki annað að sjá en ráðherrunum sé nákvæmlega sama. Það er engin innstæða fyrir neinum loforðum á ríkisstjórnarheimilinu.

Óvissa um réttmæti krafna

Rífandi gangur.

Það er nú ekki aldeilis ónýtt að hafa vökult auga réttvísinnar í lagi hér á landi. Önnur ákæran á þessa voðalegu glæpamenn í burðarliðnum. Valtýr var eitthvað utan við sig í janúar. Einhvernveginn finnst mér að það hafi gerst áður. Lára verður örugglega flott á þessu og kemur þessu fólki undir lás og slá á mettíma. Nú ætla ég ekki að réttlæta gerðir þessa fólks. Talað er um húsbrot, brot á alsherjarreglu, árás á Alþingi og svona hitt og annað smálegt í leiðinni. En er það mikil þjóðhagsleg nauðsyn að koma þessu fólki í rasphúsið? Eru þetta einu glæpamennirnir sem ganga lausir í þessu þjóðfélagi? Það læðast nú að mér efasemdir um það. Í sannleika sagt kemur þetta ekkert á óvart. Hér er enginn áhugi yfirvalda á koma lögum yfir stórglæpamenn. Í þeim efnum er allt á hraða snigilsins. Og mál fyrnast hvert af öðru. Það verður líka að hafa samræmi í hlutunum. Hér er talið sjálfsagt að afskrifa skuldir glæpamanna á meðan ekki má leiðrétta neitt hjá hinum réttlausa alþýðumanni. Vinstra fólki hefur orðið tíðrætt um frjálshyggjuna og afrek íhalds og framsóknar í hálfan annan áratug. En er þetta sama fólk ánægt með núverandi ríkisstjórn? Ríkisstjórn sem ekki virðist geta tekið af skynsemi á nokkrum sköpuðum hlut. Gerir lítið annað en tóma tjöru og sukkið og spillingin fær að þrífast áfram. Dæmin blasa allsstaðar við og bókstaflega æpa á breytingar. Hið hrokafulla lið í fílabeinsturninum sér ekkert, heyrir enn minna og ætti að segja af sér strax.

Ákæra útgefin á ný í vikunni

Skjaldborg.

Núverandi ríkisstjórn lofaði að slá skjaldborg um heimilin í landinu. Hún vill líka kenna sig við norræna velferð. Hvorttvegga er innantómt einskisnýti. Þetta er stjórn fjármagnseigenda, spillingar og vandræða. Meðan hún hamast við að afskrifa skuldir glæpagengjanna sem komu landinu á vonarvöl má ekki afskrifa krónu af skuldum heimilanna. Hinn almenni launamaður lækkar í launum og er skattpíndur af fádæma hörku. Ef fram heldur sem horfir munu þúsundir fólks missa íbúðir sínar á nauðungaruppboðum meðan glæpaliðið nýtur lífsins í vellystingum praktuglega. Svo kemur forsætisráðherrann í sjónvarpið og segist bara ekkert botna í hvað ríkisbankarnir séu að gera. Og fjármálaráðherrann virðist hafa áhuga á því einu að borga skuldir þessara sömu glæpamanna. Skuldir, sem hinn almenni launamaður ber enga ábyrgð á og okkur ber engin þjóðréttarleg skylda til að greiða. Sagt er að skilanefndarmenn og slitastjórar séu með 3-5 millur á mánuð. Á sama tíma er velferðin í heilbrigðiskerfinu sú, að göngudeildarsjúklingar sem liggja daglangt í krabbameinsmeðferð verða að hafa með sér nesti af því það er of dýrt að gefa þeim að borða. Velferðarmerkið sem þessi ríkisstjórn reynir að skreyta sig með eru hroðaleg öfugmæli. Ráðherrar þessarar voluðu ríkisstjórnar sitja í fílabeinsturni. Algjörlega út á þekju og ómeðvitaðir um hið raunverulega ástand í þjóðfélaginu. Þeir hafa enga nýja sýn eða nýja stefnu. Spillingin þrífst sem aldrei fyrr, enda hafa þeir engan áhuga á neinum tiltektum. Hvað skyldi þessi ríkisstjórn hafa ráðið marga gæðinga sína til sín án þess að störfin séu auglýst?  Hvað varðar líka þetta hrokafulla fólk um smáræði eins og stjórnsýslulög? Þetta er gamla sagan. Deildu og drottnaðu. Við skulum kynda svo ærlega undir ráðherrastólunum að þessu fólki verið ekki sætt þar. Það verður engin sátt í þessu þjóðfélagi ef ranglætið verður ekki leiðrétt.

Tekjulágir bera stóra byrði heildarskulda heimila

Fláræði.

Þetta mál lyktar illa. Saga þess er ömurleg allt frá hruninu. Vondar voru gerðir Árna Matt og félaga hans í gömlu hrunstjórninni. Og ekki hefur betra tekið við. Steingrímur J. Sigfússon er stórhættulegur stjórnmálamaður. Ég treysti ekki einu einasta orði sem frá honum kemur. Það getur heldur enginn treyst manni sem svíkur loforð sín jafnharðan og hann gefur þau. Þjóðréttarlega berum við enga ábyrgð á þessum skuldum einkabanka sjálfstæðisflokksins þó Steingrímur vilji borga þær með vöxtum og vaxtavöxtum. Hollendingar og bretar greiddu innstæðueigendum á sína eigin ábyrgð og Steingrímur samþykkir gerðir þeirra. Ekkert er íslenskri þjóð nauðsynlegra nú en að losna við þennan mann úr stóli fjármálaráðherra. Hann virðist alls ekki vita hvað lýðræði er. Eða grasrót. Telur VG vera einkaeign sína sem hann geti beitt að eigin geðþótta. Hann lét sér vel líka þegar Jóhanna rak gamlan vopnabróður hans og félaga úr ríkisstjórninni. Tók m.a.s. undir lygarnar um verkkvíða Ögmundar Jónassonar. Það vita þó allir sem þekkja til Ögmundar að þar fer ekki verkkvíðin maður. Og við vitum það líka að Ögmundur er gegnheill og heiðarlegur og selur ekki sannfærinu sína fyrir baunadisk. Slíkir menn eiga að sjálfsögðu ekki uppá pallborðið hjá Steingrími J. Sigfússyni. Það er sannarlega ástæða til að vera á varðbergi nú. Fláræði má ekki verða til þess að nýja samninganefndin leiki gjörunninni stöðu niður í tap.

Grunur um leynimakk

Ólíkindi.

Það er ömurlegt að fylgjast með viðbrögðum þessa fyrirtækis við gagnrýni á þessa ferð. Öll rök hníga að því að því að svifta þessa áhættufíkla starfsleyfi. Kom norska veðurspáin að gagni? Skiptir einhverju þó forstjórinn hafi verið vanur björgunarmaður? Einar Sveinbjörnsson veðurfræðingur upplýsti hvernig þessa norsku spár eru reiknaðar út. Það lá alveg ljóst fyrir að það átti að blása þessa ferð af og það er ekki forsvarsmönnum Vélsleðaleigunnar að þakka að þetta blessaða fólk bjargaðist með giftusamlegum hætti. Þeim væri nær að viðurkenna glópsku sína en að reyna að réttlæta gerðir sínar á þennan aumkunarverða hátt. Ef fyllstu varúðar hefði verið gætt hefði þessi slæmi atburður ekki gerst. Málið er ekki flóknara en það.

Fyllst varúðar var gætt

Gáttaður?

Það er óþarfi að verða gáttaður á þessum vinnubrögðum. Bankakerfið er enn gegnsýrt af spillingu. Nákæmlega sömu vinnubrögðin og áður. Engin hreingerning hefur farið fram. Norræna velferðarstjórnin virðist afar ánægð með það. Allavega aðhefst hún ekkert til að breyta hlutunum. Er fólk búið að gleyma fortíð Finns Sveinbjörnssonar? Fékk stórt lán til hlutabréfakaupa þegar hann var í Sparisjóðabankanum. Seldi svo bréfin og lánið var afskrifað. Ólafur Ólafsson hefur fengið Samskip á ný og stefnt er að því að Baugsfeðgar eignist Haga aftur. Hvað skyldu það verða mörghundruð milljarðar sem afskrifaðir verða hjá þessum andskotans glæpalýð? Er virkilega enginn snefill af manndómi í ráðherrum þessarar ríkisstjórnar? Ríkisstjórn fjármagnseigenda og stórþjófa. Hún virðist reyndar vera að gliðna í sundur. Samfylkingin kann sitt fag þó hugsjónirnar séu fáfengilegar. Á sama tíma blæðir mjög mörgum heimilum út. Smátt og smátt. Það skiptir ráðherra velferðarstjórnarinnar engu. Ekkert er hægt að gera fyrir hinn almenna mann nema lækka laun hans og skattpína hann jafnframt yfir öll þolmörk.  Það er yfirgengilega sorglegt fyrir mörg okkar sem kusum þessa flokka í fyrra. Nær væri að koma glæpagengjunum undir lás og slá en að verðlauna þau stöðugt. Það er öllu heiðarlegu fólki misboðið vegna hegðunar ráðherranna í þessari ömulegu ríkisstjórn.

Ákvörðun Arion banka misbýður samfélaginu

Hinir ómissandi.

Það er auðvitað sjálfsagt að Jóhanna og Steingrímur yfirtaki þennan sparisjóð. Þá er hægt að skipa honum nýja stjórn.Dæla dágóðri summu af peningum frá ríkissjóði inní hann. T.d. afrakstrinum af nýhækkuðum virðisaukaskatti, bifreiðagjöldum, tóbaki og brennivíni og ýmsu öðru smálegu. Við höfum hér afar reynda menn í stjórnina. Ég nefni nú bara t.d. Jón Ásgeir, föður hans Jóhannes og Ólaf í Samskipum. Við heyrðum það vel í kastjósinu í gærkvöldi frá Finni Sveinbjörnssyni hverskonar menn þetta eru. Vammlausir snillingar í að stjórna fjármunum. Og snillingarnir eru miklu fleiri. Nauðsynin á að við fáum áfram að njóta þessara manna bókstaflega æpir á okkur. Og ef svo ólíklega vildi til að eitthvað fari úrskeiðis er alltaf hægt að nota afskriftaleiðina. Við eigum líka heilmikið af snillingum á þeim vettvangi.

Ríkið vill eignast Byr

Dýr orð.

Þeir verða okkur dýrir að lokum úrtölumennirnir í deilunni við breta og hollendinga vegna icesave reikninganna. Þessi prófessor hefur margoft málað skrattann á vegginn og virðist hreinlega ganga erinda nýlenduþjóðanna sem vilja kúga okkur með öllum tiltækum ráðum. Það er þó gott að einn þingmaður skuli enn tala máli okkar með afar skýrum hætti. Ég hef lengi haft mikið álit á Ögmundi Jónassyni. Einlægasta og heiðarlegasta manninum sem nú situr á Alþingi íslendinga. Steingrími hefur ekki tekist að þagga niður í Ögmundi eins og sumum öðrum vopnabræðrum sínum. Eins og komið er fyrir Alþingi nú, spillingunni og sukkinu sem enn tröllríður öllu í íslenskri pólitík og stjórnsýslunni, er afar mikilvægt fyrir okkur að eiga að fólk á borð við Ögmund. Svo grætur forsætisráðherrann í sjónvarpinu yfir að bankarnir skuli nú vera að afhenda Ólafi Ólafssyni Samskip á ný. Viðtalið við Jóhönnu í gærkvöldi sýnir betur en nokkuð annað á hvað leið þessi norræna velferðarstjórn er. Innihaldsleysið í loforðunum um skjaldborgir og velferð er algjört. Jóhönnu varð tíðrætt um öll afrek þessarar stjórnar á því ári sem hún hefur setið. Engin stjórn hefur þó valdið lítilmagnanum í þessu þjóðfélagi meiri vonbrigðum en sú er nú situr. Hún hefur enga nýja sýn á vandamál þjóðarinnar. Engar lausnir heldur. Engin tiltekt hefur farið fram í hinu gjörspillta kerfi. Því fyrr sem við losnum við hana því betra.

Gegn hagsmunum Íslands