Jæja.

Eru þetta dásemdirnar sem fylgdu aðildinni að ESB?

Atvinnuleysi mælist 17,93% á Spáni

Vaxtalækkun strax.

Hluti stöðugleikasáttmálans var að stýrivextir seðlabankans yrðu lækkaðir niður fyrir 10% fyrir 1. nóvember. Ef ég man rétt er næsti ávarðanadagur um vextina 5. nóvember. Á seðlabankinn að ráða öllu um hvort samningurinn fer í uppnám eða ekki? Það á að lækka stýrivextina strax í dag. Allar aðstæður æpa á lækkun vaxta. Hver stjórnar þessu landi? Seðlabankinn eða ríkisstjórnin? Væri ekki bara þjóðráð að leggja þessa stofnun niður? Annað eins hefur nú gerst sbr. þjóðhagsstofnun hérna um árið.

„Tónninn orðinn harðari“

Af ávöxtunum skuluð þér þekkja þá.

Innan Landsbankans er til fyrirbæri sem nefnt er íslenski lífeyrissjóðurinn. Ég gerðist sjóðsfélagi þegar ég byrjaði séreignarsparnað. Ég fékk reglulega hvatningu frá bankanum um ágæti ávöxtunar þessa sjóðs án þess þó að prósentureikningur fylgdi sérstaklega. Í júnímánuði í fyrra missti ég starf mitt vegna gífurlegs samdráttar á fasteignamarkaði. Ég leysti út lífilfjörlegan sparnað í peningabréfum sem ég átti í þessum banka. Lifði á honum fram eftir sumri. Í byrjun september hugðist ég leysa út séreignarsparnaðinn. Mér var tjáð að það væri ekki hægt nema á síðasta degi mánaðarins. Furðuleg regla fannst mér en gekk frá því við bankann að aurarnir yrðu lagðir inná reikning minn þann 30. september. Þegar það hafði ekki gengið eftir um þrjúleitið gerði ég mér ferð í bankann. Eitthvað hafði farið úrskeiðis í kerfinu og mér var sagt að því miður yrði ég að bíða til 31. október. Punktum og basta. Fyrir miðjan október féll Landsbankinn. Einhverja aura fékk ég í lok október og restina síðar. Þegar upp var staðið hafði þessum snilldarstjórnendum sjóðsins tekist að ávaxta aurana mína um ca. mínus 20%. Kannski var það nú bara í samræmi við snilld bankastjóranna og eigenda bankans.  Þegar árinu 2008 lauk var inneign mín í þessum sjóði því kr. 0. En sumir eru enn meiri snillingar en aðrir. Einhverntíma um daginn fékk ég yfirlit frá sjóðnum þar sem gerð var grein fyrir ávöxtun af núllinu mínu hjá sjóðnum frá 1. janúar 2009 til 30. júní sama ár. Og niðurstaðan? Þeim hafði tekist að ávaxta núllið um mínus 4 krónur. Kannski fá þeir nóbelinn í stærðfræði. Ég skulda sem sagt þessum frábæra sjóði 4 krónur. Eins og þið vitið á fólk að borga skuldir sínar. A.m.k. bankarnir ætlast til þess. Líklega verður mér stefnt fyrir rétt ef ég neita að greiða. Ég hefi fengið nóg af snilld þessara manna. Ég hyggst halda upp vörnum.

Drápstól.

Það er búið að drepa fjölda fólks með þessum verkfærum. Saklaust sem sekt. Það má aldrei lögleiða þau hér. Hinsvegar er skandall að láta meðlimi glæpagengja ganga lausa hér eins virðist vera tíðkað. Og við eigum strax að reka alla erlenda glæpamenn úr landi. Nóg fyrir okkur að fóðra þá íslensku í tugthúsum landsins.

Mælir með rafstuðtæki til sérsveitar

Óvinafagnaður.

Ég fór ekki á þennan fund í gærkvöldi. Ég er maður utan trúflokka og ætti ef til vill ekki að skipta mér af málefnum Selfosssafnaðar. Ég hef áður lýst góðum kynnum mínum af sér Gunnari og ekkert fær þeim breytt. Hann var sýknaður af ákæru fyrir kynferðisbrot í héraði og hæstarétti. En er málinu þar með lokið? Að sjálfsögðu ekki. Prestur má bara alls ekki faðma og kyssa fermingarstúlkur sem hann er að uppfræða. Það er honum engin afsökun að segjast vera hlýr maður. Það er ljóst að þessi hlýja hans skaðaði stúlkurnar sem urðu fyrir henni. Svo réttlætir séra Gunnar athæfi sitt með því að segja að sér hafi liðið illa eftir erfiða jarðarför. Hvað með stúlkurnar sem þurfa að burðast með " hlýjuna" frá fræðara sínum? Sýkna eða sök í dómsmálinu skiptir engu máli. Skaðinn er skeður nú þegar og séra Gunnar verður að taka afleiðingum gerða sinna og hverfa úr þjónustu við söfnuðinn hér. Margir safnaðarmeðlimir telja framferði hans siðferðislega ámælisvert svo ekki sé meira sagt. Ég er sömu skoðunar. Séra Gunnar ætti að snúa sér til guðs síns og biðja um fyrirgefningu.

Viljum fá prestinn okkar aftur

Þjóðráð.

Ég legg til að Steingrímur og Jóhanna bregði sér í Borgarnes á laugardaginn. Þá myndi fjölga um 2 í sauðahjörðinni.

Lofa ærlegu fjöri á sauðamessunni

Æðruleysi.

Mér kemur æðruleysisbænin í hug. Æðruleysi yfir að sætta sig við það sem maður fær engu um breytt. Selfosssöfnuður er þverklofinn í afstöðu sinni til séra Gunnars. Enginn borgarafundur fær nokkru breytt um það. Ég hef áður sagt það hér á þessum vettvangi að séra Gunnar er mörgum góðum mannskostum búinn og ég hef haft af honum góð kynni allt frá því vorum samtíða í háskólanum. Ég bjó á nýja stúdentagarðinum og hann var garðprófastur. Sæmd sér Gunnars yrði meiri ef hann sætti sig við þá staðreynd að besta leiðin út úr þessu ástandi er sú að hann hverfi frá þjónustu við söfnuðinn hér. Ég óska honum farsældar og þess, að hið góða verði ávallt nálægt honum.

Prestur boðar borgarafund

Látum ...

reyna á þetta strax. Uppúr skotgröfunum. Þá fyrst fæst úr því skorið hvort Samfylkingin hefur efni á að níða formann framsóknarflokksins niður í góðri viðleitni hans. Þráhyggja Jóhönnu og Steingríms er þegar orðin okkur alltof dýr.

Fullviss að Norðmenn vilji lána

Bara Suðurnes?

Það er nú atvinnuleysi víðar í suðurkjördæmi en á Romshvalanesi. Er eðlilegt að afhenda alla tiltæka orku í eitt 360.000 t álver? Að sjálfsögðu ekki þó ég hafi fulla samúð með atvinnulausu fólki þar. Þetta er alveg sama dæmið og með Bakkaálverið. Það myndi gleypa alla virkjanlega jarðhitaorku á norðurlandi. Það hefur verið margsýnt framá að störf í álverum eru allt of dýru verði keypt. Auk þess hefur raforka til álvera verið seld á hraksmánarlega lágu verði og mestur hluti arðsins af starfsemi þeirra rennur úr landi. Við þurfum nýja hugsun og ný markmið. En því miður er lítil von til þess nú. Það er fyrst von til þess þegar okkur tekst að losna við svona 90% af þingmönnunum sem nú sitja á Alþingi. Landið hleypur ekki burt frá okkur. Nema Jóhönnu takist að afhenda það upp í skuldir glæpamanna. Orkuverð mun fara ört vaxandi í heiminum á næstu árum. Og við munum hafa góða vexti af auðlindum okkar og óþarfi að fórna þeim öllum strax. Bandaríkjamenn urða t.d. miklu meira ál ár hvert en okkur tekst að framleiða. Við skulum byrja á að stórauka fiskveiðiheimildir okkar. Svo breytum við kvótakerfinu á nokkrum árum. Þá hættir arðurinn af fiskveiðiauðlindinni að hverfa út úr greininni í sumarhús, rangerovera, þyrlur og snekkjur. Við eigum þetta allt saman en nú njóta tiltölulega fáir ávaxtanna.

Töfum í atvinnuuppbyggingu beint gegn tekjulágum

Er það?

Þetta er nú ekki alveg rétt. Kötturinn minn er langflottastur og hann er nú bara hérna hjá mér. En Uni er greinilega þrusuköttur líka og á efalaust öll heimsins verðlaun skilið.

Uni vekur aðdáun