Indæla.

Þetta er indælt. Meira af svona og minna af ofbeldi.

Læða gengur hvolpi í móðurstað

Svikalogn?

Það er gott að heyra að þingmenn VG geti enn rætt málin í bróðerni. Einhvernveginn finnst mér samt að málin séu í sömu stöðu og áður. Ef hægt er að bjarga ríkisstjórninni verður það þó ekki gert nema raunverulegur vilji sé hjá Steingrími og Jóhönnu til að koma til móts við sjónarmið Ögmundar og félaga hans. Ef AGS lánið yrði lækkað úr 5.2 milljónum dala í 1.3 yrði vaxtasparnaðurinn 75 milljarðar. Það eru 75% af rekstri heilbrigiðskerfisins. Jóhanna og Steingrímur verða að skilja það að ekki er þingmeirihluti fyrir lausn icesave deilunnar á þeirra forsendum. Þau verða líka að skilja það að líf stjórnarinnar veltur á því hvort hvort þau vilja horfast í augu við raunveruleikann. Skoðanakúgun kann aldrei góðri lukku að stýra.

„Búið að lægja ólguna“

Trúin er sumum allt.

Það er ömurlegt fyrir þingmenn VG að þurfa að standa í þrifum eftir hrunflokkana 3. Við skulum ekki gleyma ábyrgð SF á icesavemálinu. Man fólk kannski ekki eftir hver var bankamálaráðherra í stjórn SF og íhaldsins? Sumir tala um rýtingsstungur í bakið á foringjanum. Hann sjálfur stakk Ögmund í bakið sama daginn og hann sagði af sér. Dylgjaði um verkkvíða vegna heilbrigðismálanna þó honum hafi manna best verið ljós hin raunverulega ástæða. Ég vona að Ögmundur, Guðfríður Lilja, Atli og fleiri þingmenn VG vilji enn halda sambandi við sannfæringu sína.  Þetta mál er afar erfitt fyrir okkur sem kusum VG í síðustu kosningum. Endalaus vonbrigði með formanninn. Ég hef ekki skipt um skoðun í pólitíkinni. Ég er líka enn sömu skoðunar á kúgun og ofbeldi. Þessvegna vona ég að kórstjórar ríkisstjórnarinnar sjái að sér og virði skoðanir fólks sem er ekki tilbúið að selja sannfæringu sína fyrir ráðherrastóla.

 

Hefur trú á að stjórnin lifi

Sjónhverfingar.

Félagsmálaráðherra er ekki að bjóða skuldsettu fólki eitt eða neitt nýtt. Bankarnir  bjóða nú þegar uppá álíka úrræði. Því miður komst þetta mál ekki á dagskrá í silfrinu í gær. Ég beið hreinlega eftir að ráðherranum yrði pakkað saman. Hann var lúsheppinn að ekki gafst tími til þess. Þessi ríkisstjórn mun aðeins lifa mjög skamman tíma enn. Sennilega líða bara örfáir dagar. Ég vona að hún fái hægt andlát og verði jörðuð í kyrrþey. Við gætum vel unað við minnihlutastjórn með Ögmund sem forsætisráðherra fram á vor. Hann er, ásamt nokkrum öðrum þingmönnum VG, enn með óbrenglaða dómgreind. Þjóðin þarf sannarlega á slíku fólki að halda nú.

Segja tillögur ráðherra stríðsyfirlýsingu

Feigðin kallar.

Þetta stjórnarsamstarf bar feigðina með sér frá upphafi. Það eru enn nokkrir þingmenn VG sem standa í lappirnar þó sumir liggi flatir við fætur drottningarinnar sem nú situr í stól forsætisráðherra. Það er augljóst að bretar og hollendingar fallast ekki á þá fyrirvara sem Alþingi samþykkti í lögum um ríkisábyrgð á icesave samningnum. Eina raunhæfa lausnin er að þessi ríkisstjórn fari frá völdum strax. Steingrímur á að fá stuðning íhalds og framsóknar til myndunar minnihlutastjórnar fram á næsta vor. Þá er meiri möguleiki á tiltektum og við gætum dregið ESB umsóknina til baka. Viðræðurnar við ESB eru tíma- og peningasóun. Ekkert væri þjóðinni til meiri farsældar en einangrun Samfylkingarinnar. Einu hugsjónir hennar eru völd. Völd til að koma okkur í ESB og að markaðsvæða heilbrigðiskerfið.

Fellur ef ekki næst sátt um Icesave

Vergangur.

Ef fram fer sem horfir verða þúsundir íbúða seldar nauðungarsölu á næsta misseri. Hér í Árborg og annarsstaðar í umdæmi sýslumannsins hér á Selfossi eru líklega 400 eignir á listanum. Á landinu öllu gætu þær verið hátt í 2.000.Jafnvel enn fleiri. Ríkisstjórn hinna vinnandi stétta situr með hendur í skauti. Ég gef henni viskusjens til að gera eitthvað róttækt. Annars  fara mörg þúsund manns á vergang. eins og í móðuharðindunum.Hið heilaga par, Steingrímur og Jóhanna, eru bjartsýn. Þau vona þetta og eru viss um hitt. Harðindin nú eru reyndar af mannavöldum. Flokkur Steingríms er eins og hrein mey í þeim efnum. SF ber mikla ábyrgð á því hvernig komið er þó stærst sé ábyrgð núverandi ritstjóra Moggans og afturgöngunnar sem flúði land. Það er eins og þessari ríkisstjórn séu allar bjargir bannaðar. Hún er ráðalaus, vonlaus og vitlaus. Steingrímur heltekinn af verstu bakteríu síðari tíma, Samfylkingarveirunni. Það sannar best afstaðan til ESB umsóknarinnar, þvert á loforð hans daginn fyrir kosningar.Ég vona að fjármálaráðherrann vinni bug á þessari veiru. Besta ráðið til þess er að yfirgefa þann vonda félagsskap sem hann er í nú um stundir. Þá mun hann ná áttum á ný.

Holskefla uppboða verði frestur ekki framlengdur

Alltaf batnar það.

Mér finnst þetta lítið fagnaðarefni. Nefnd til að þvæla fram og aftur um það sem ætti að vera búið að framkvæma fyrir löngu. Martröðinni af völdum þessarar stjórnar hinna vinnandi stétta verður að ljúka. Mörgum heimilum hefur blætt út nú þegar og önnur á síðustu dropunum. Þetta blessaða fólk virðist vera víðsfjarri raunveruleikanum. Hleður að sér aðstoðarfólki umfram heimildir og sumt af því svo hrokafullt að engu tali tekur. Því er haldið fram að það sé alltof dýrt að afskrifa hluta af skuldum almennings. Samt eru til nægir peningar til að afskrifa milljarðatugi hjá glæpalýðnum sem hefur komið landinu á hliðina. Það stendur m.a. til að veita Íslandsbanka víkjandi lán þegar 95% hans verða afhent.  Fjárhæðin aðeins 25 milljarðar.Víkjandi lán þýðir bara gjafapeningar. Og leitin að öllum ránsfengnum er bara kák. Þjófarnir enn á fullu við iðju sína. Svo fáum við bara nefnd með Jóhönnu og tveimur af kjölturökkum hennar. O tempora, o mores.

Ráðherranefnd um efnahagsmál

Hrós.

Gott að þetta má er komið á hreint. Leyfið kom frá persónuvernd og formlega var það það sem vantaði. Ég hef á undanförnum árum haft þó nokkur samskipti við embætti ríkisskattstjóra og þau eru einstaklega góð. Allir sem ég hef talað við eru boðnir og búnir að greiða úr hlutunum. Fólkið sem þarna vinnur er meðvitað um það að það er þjónar okkar en ekki drottnarar. Það er meira en hægt er að segja um flestar aðrar ríkisstofnanir sem ég hef þurft að leita til. Ég þekki Skúla Eggert ekki neitt en efast ekki um að hann er réttur maður á réttum stað eins og undirmenn hans. Bestu kveðjur frá mér til þessa ágæta fólks.

Ríkisskattstjóri biðst afsökunar

Framsóknarmaður?

Væri ekki rétt að beina athyglinni sérstaklega að framsóknarmönnum? Sumir þeirra eru vanir ókeypis jakkafötum.

Stal átta jakkafötum í stærð 54

Nærtæk skýring.

Það er ofureðlilegt að neysla dragist saman. Margir atvinnulausir, laun lækka og allt hækkar í verði. En stærsta ástæðan fyrir minni notkun kreditkorta er sú að þeir sem eru með húsnæðislán sín í frysti verða að leggja inn kreditkortið á meðan.

Neysla heimila dregst stöðugt saman