Sauðska.

Munurinn á okkur og bandaríkjamönnum er sá, að kanarnir töku glæpamennina engum vettlingatökum. Hér spígspora glæponarnir um og eru enn við iðju sína. Allir ósnertanlegir þó nægar lagaheimildir séu fyrir því að handtaka þá. A.m.k. suma þeirra. Nú er u.b.b. meðgöngutími frá falli spilaborgarinnar og ekki verður annað séð en hraði snigilsins ráði för í rannsókninni. Því miður er allt stjórnkerfið gegnumrotið af spillingu. Ættartengsin blasa allsstaðar við. Áhuginn á að upplýsa glæpi þessara manna er takmarkaður. Þó landið sé á kúpunni er þeim peningum vel varið sem notaðir verða til að negla hina ósnertanlegu. Nú slettir fólk málningu. Og " öryggisverðir" stjórna því hvort myndir eru teknar af klessunum. Enginn útrásargangsteranna hefur snefil af samvisku. Virðast enn stoltir af verkum sínum. Gæti ekki verið að enn eigi ÓRG eftir að tylla orðu á einhvern þeirra?  Þá verður að drífa í því. Sauðarháttur gengur ekki í glingurglamrinu á Bessastöðum.  Til þess eru klappstýrurnar að klóra svona höfðingjum bak við eyrun.

Bankahrunið stærra en Enron

Lýðræði andskotans.

Pukrið og leyndin heldur áfram. Sumir hlutir þola ekki dagsljósið. Sérstaklega ekki samskipti samninganefndar íslendinga við hollendinga og breta. Er óeðlilegt að þjóðin öll fái að vita hvað raunverulega gerðist? Svavar Gestsson sagðist ekki vilja hafa þessa hluti " hangandi yfir sér lengur" og kvittaði undir þennan afar vonda samning. Hvaða hæfileika hefur þessi afdankaði allaballi til að vera formaður samninganefndarinnar? Ég ætla að svara mér sjálfur. Nákvæmlega enga. Ef allt fer í klessu, eins og aðalritarinn orðar það, er það vegna þess að við tökum ábyrgð á þessum svikasamningi. Stjórnarforustan, Steingrímur og Jóhanna, tala um 7 ára "skjól". Þetta er eins og hjá Loðvík fjórtánda. Það lafir meðan ég lifi. Þá verður forssætisráðherrann kominn vel á áttræðisaldurinn og fjármálaráðherrann að tína fjallagrös norður í Þistilfirði. Hvað varðar mig um þjóðarhag var einu sinni sagt.

Fá ekki Icesave-gögnin í hendur

Réttarbót.

Nái þetta frumvarp í gegn er það mikil og góð réttarbót. Þá munu bankar þurfa að sætta sig við að ekki sé hægt að eltast við skuldara út fyrir gröf og dauða. Eins og nú hagar til verða erfingjar að velja leiðina um skuldafrágöngubú ef veðið dugar ekki. Óréttlætið vegna verðtryggingar og lækkandi verðs á fasteignum er alveg yfirgengilegt. Það er alger forsendubrestur varðandi íbúðalánin sem fólk hefut tekið undanfarin ár. Þetta er skref í rétta átt en það að ganga miklu lengra. Hvað er að frétta af núverandi fjármálaráðherra sem lýsti því yfir fyrir kosningar að hann myndi afnema verðtrygginguna fengi hann tækifæri til að gera það?

Lánshlutfallið gæti hugsanlega lækkað

Dauðabraut.

Ég hef oft undrast stefnu og áherslur núverandi samgönguráðherra. Suðurlandsvegur er hættulegasti þjóðvegur landsins. Umferðarþunginn gífurlegur og slysin allt of mörg. Ég hef ekkert á móti Vaðlaheiðargöngum en þau verða að bíða. Suðurlandsvegur ber ekki umferðina á álagstímum. Það sá ég vel á sunnudaginn var þegar ég ætlaði frá Selfossi á blómasýninguna í Hveragerði. Bílalestin rétt mjakaðist áfram. Þetta er 10 mínútna akstur. Eftir hálftíma gat ég snúið við og var þá kominn u.þ.b. hálfa leið. Kjördæmapot á að tilheyra fortíðinni. Byrjum á suðulandsveginum á morgun. Það er langmikilvægasta fjárfestingin í vegagerð akkúrat núna.

Vilja forgangsraða aftur

Reikningslist viðskiptaráðherra.

Gylfi Magnússon viðskiptaráðherra hefur reiknað út að við getum framleitt nóg til þess að standa undir icesave skuldbindingunum. Skuldbindingunum, sem nú á að láta þjóðina greiða þó þær séu að öllu leyti skuldir nokkurra glæpamanna. Hyskis, sem enn ferðast um á einkaþotum og hræir í pottum okkar algjörlega óáreitt.Það má vel vera að þetta sé rétt hjá honum. En það hefði verið betra að hann upplýsti í leiðinni hvernig þjóðin ætti að lifa á meðan tekjurnar fara að mestu leyti í þessa glæpahít. Við eigum líklega að éta það sem úti frýs. Það eru augljós feigðarmerki á ríkisstjórninni. Hún verður mér ekki harmdauði og ég ætla ekki að vera við jarðarförina heldur fagna heima hjá mér.  Stórsigur VG í síðustu þingkosningum hefur nú snúist til andhverfu sinnar. Enn hef ég þó trú á að nægilega margir þingmenn flokksins hafi manndóm í sér til að fella þennan nauðungarsamning. Setji formanninn út í horn og láti skynsemina og hag þjóðarinnar ráða för. Ráherrar SF og jábræður og systur þeirra hafa það eitt að markmiði að koma okkur í ESB og iscesave samningurinn er hluti af því markmiði. Fellum þennan samning, setjum SF endanlega út í kuldann og myndum nýja ríkisstjórn allra annara flokka á þingi. Þá munum við njóta góða veðursins enn betur og halda höfði.

Góð röksemd.

Þessi boðskapur frá handrukkara ASG er mjög góð röksemd fyrir því að fella icesave samninginn. Eðli þessarar senditíkar er orðið flestum ljóst. Nema náttúrlega Steingrími J. og Jóhönnu. Steingrímur hefur enn tækifæri til að snúa við blaðinu, þjóðinni til bjargar. Errare humanum est. Það er engum til vansa að skipta um skoðun. Steingrímur er að verða bergmálið af Samfylkingunni. Öllu lokið fyrir okkur ef við samþykkjum ekki þessa nauðung. Þetta er mér og fjölmögum kjósendum VG með öllu óskiljanlegt. Sem betur fer fyrir Steingrím og okkur hin mun samningurinn verða felldur. Guðfríður Lilja, Atli, Lilja Mósesdóttir, vonandi Ögmundur og kannski 1 eða 2 úr VG til viðbótar munu sjá til þess. Formaður VG, aðalritarinn sjálfur, hefur valdið flestum kjósendum sínum gífurlegum vonbrigðum. Ég er tilbúinn að fyrirgefa honum ef hann hverfur frá villu sinni.

Þjóðarbúið ekki á hliðina vegna Icesave

Havanavindlar.

Ef við samþykkjum ekki nauðungarsamninginn um icesave verðum við Kúba norðursins. Verðum að reykja Havanavindla frá Castró. Sérskattaða af snillingnum sem nú gegnir embætti fjarmálaráðherra. Steingrímur J. Sigfússon hefur lengi verið einn af mínum uppáhaldsstjórnmálamönnum. Nú er hann kominn í neðsta sæti. Ég er alveg viss um að hann sé í álögum. Hann hækkar neysluskatta uppúr öllu valdi. Það bitnar mest á þeim sem hann hefur hingað til talið sína aðalskjólstæðinga. Hann er algjörlega heillum horfinn og veldur ekki embætti sínu og ótrúlegt hvernig hann er að klúðra góðum kosningasigri VG. Hann er að vísu í afar slæmum félagsskap. Samfylkingin er jafnvel enn aumari og hættulegri flokkur en íhaldið og framsókn til samans enda eina hugsjón flokksins að svíkjast aftan að þjóðinni með evrópuþráhyggu sinni. Ég treysti þó enn á að hluti þingflokks VG geri uppreisn gegn hinum álagabundna formanni sínum. Fólk eins og Guðfríður Lilja, Atli Gíslason, Ögmundur og Ásmundur Einar Daðason. Fólk sem ég treysti enn. Þau geta fellt icesave samninginn. Þá springur ríkisstjórnin og hægt að mynda nýja fjögurra flokka ríkisstjórn. SF verður þá úti í kuldanum þar sem hún er best geymd um aldur og ævi.

Boðar auknar álögur á áfengi og tóbak

Kjaftæði.

Heilög Jóhanna telur, álítur, ætlar og er viss um stuðning við nauðungarsamninginn. Sami óþjóðlegi hræðsluáróðurinn um fordæmingu alþjóðasamfélagsins. Ég veit um a.m.k. einn stjórnarliða sem mun kjósa gegn þessum ofbeldisverkum Jóhönnu og Steingríms. Vonandi verða þeir fleiri.

Tortryggni í samfélaginu

Múrveggur.

Eins og alltaf hefur minn gamli lærifaðir rétt fyrir sér. Hvað hefur komið fyrir Steingrím J. Sigfússon? Datt hann á hausinn eins og Svandís? Hann hefur stillt þingflokki sínum upp að múrveggnum. Nú skuluð þið samþykkja orðinn hlut. Það er ömurlegt að hugsa til þess að heiðarleikinn skuli aflagður í VG. Við blasa hrein kosningasvik. Ef stjórnarandstaðan stendur saman og aðeins 3 þingmenn VG standa við sannfæringu sína er málið fallið í þinginu. Það verður vandlega fylgst með hverjir beygja sig fyrir ofbeldinu og hverjir hafi enn reisn til að láta sannfæringu sína ráða.

Icesave málið fari fyrir dóm

Stjórnarslit?

Það bókstaflega má ekki gerast að þessi samningur verði samþykktur. Ég treysti því að þeir þingmenn VG sem enn virðast hafa óskerta dómgreind sjái til þess. Því miður var þessi ríkisstjórn feig áður en hún tók til starfa. Þráhyggja SF í ESB málinu sá til þess. Þó mér finnist nú ekki sérlega vænt um íhaldið og framsókn væri miklu nær fyrir VG að taka höndum saman við þessa flokka við endurreisn landsins og einangra SF í pólitíkinni um langa framtíð. Þetta sundraða tætingslið á enga aðra hugsjón en að koma okkur í ESB og gera okkur þar með að hjálendu þeirra sem öllu ráða þar.

Icesave gæti fellt stjórnina