35.95%

Harmleikurinn um stjórnlagaþing stendur enn. Menn fimbulfamba um 82 eða 83þúsund atkvæði og telja lýðræðið fótum troðið. Margir trúa því að dómarar hæstaréttar séu handbendi sjálfstæðisflokksins. Það hafi verið kippt í spotta frá Valhöll og bingó: Allt ónýtt. Hvort sem álit Hæstaréttar er rétt eðan rangt þá er staðan sú að kosningarnar voru taldar ólöglegar. Það er fráleitt að einhverjir hinna sem fengu kjörbréf í ólöglegum kosningum ætli nú að væla nýtt álit útúr Hæstarétti. Það eitt sýnir að þeir hefðu verið óhæfir fulltrúar á þinginu. Úr því farið var af stað með þetta gæluverkefni forsætisráðherrans virðist skást að efna til nýrra kosninga, enda nóg af peningum til í ríkissjóði til fáfengilegra hluta þó þá skorti til annars. Ef lögin um stjórnlagaþingið hefðu verið afdráttarlausari og því hefði verið fengið eitthvert raunverlulegt vald hefði kosningaþátttakan orðið 70-80 % en ekki 35.95%. Það verður dýrt þetta álit 25 þekktra einstaklinga áður en yfir lýkur. Og því miður verður árangurinn enginn. Nákvæmlega ekkert nema þrasið og leiðindin.

Vilja að Hæstiréttur endurskoði ákvörðun

Fílabeinsturn.

Jóhanna Sigurðardóttir er ekki heilög kýr. Samt virðist alls ekki mega gagnrýna hana með nokkrum hætti. Hjörðin ríkur til og rífst og skammast. Vestfirska frekjuskrúfan má vart mæla af hneykslun. Ætti nú samt að líta í eigin barm og ferst ekki að kalla aðra sérlundaða og sjálfhverfa. Margt bendir nú til að þetta stjórnarsamstarf sé að syngja sitt síðasta. Þar á Sf miklu stærri hlut að máli en VG. Sem betur fer eru ekki allir sem láta kúga sig til hlýðni. Þessi ríkisstjórn er á villigötum. Hér viðgengst nákæmlega sama sukkið og svindlið og áður. Við skulum heldur ekki gleyma að þungaviktarráðherrar Sf nú sátu báðir í hrunstjórninni og virtust kunna því ágætlega. Sf hefur smalað sauðum sínum til beitar á ríkisjötunni og á stjórnarráðstúnið með dyggri aðstoð frá formanni VG sem löngu hefur gleymt stefnumálum flokks síns. Ég vona að menn þori áfram að gagnrýna núverandi forsætisráðherra. Ekki veitir af. Hún gat ekki einusinni beðist afsökunar á einu mesta klúðri lýðveldissögunnar, stjórnlagaþingskosningunum. Situr í turni sínum og deilir og drottnar. Það væri þjóðinni til mikillar farsældar að losa sig við þau Jóhönnu og Steingrím úr pólitíkinni hið allra fyrsta.

Orð látin vaða eins og púðurskot

Blekkingar.

Um hríð hefur sumum skuldurum gefist kostur á niðurfærslu skulda að 110% af markaðsverði eignar. Eða hvað? Ef fasteignamat eignar er yfir markaðsverði er miðað við það plús 10%. Fasteignamati er ætlað að endurspegla markaðsverð eignar. En það hefur aldrei gert það og mun aldrei gera það nema í einstaka undantekningartilvikum. Ég þekki þetta mætavel sem fasteignasali í áratugi. Ef eitthvert vit á að vera í þessum aðgerðum verður að miða við raunverulegt markaðsverð á hverjum tíma en ekki fasteignamat sem ákveðið er af óhæfri stofnun einu sinni á ári. Ef við tökum dæmi af húseign sem er með 20 milljónir í fasteignamat yrði viðmiðunartalan fyrir 110% regluna 22 milljónir. En þessi eign er kannski seljanleg fyrir 16 milljónir. Þá yrði skuldin ekki 110% af verði hennar heldur tæp 140%. Miðað við það gífurlega verðfall sem orðið hefur á fasteignum frá hruninu er eina leiðin að miða við raunverulegt markaðsverð eigna en ekki fasteignamat sem getur ekki endurspeglað markaðsverðið. Ef þessar aðgerðir eiga að skila einverju væri nærtakast að fæa íbúðaskuldirnar niður í markaðverð. Allt umfram það er hvort eð er tapað fé fyrir lanveitandann. Undirmálslán sem aldrei munu fást greidd. Auk þess yrði þessi aðgerð vítamínsprauta fyrir hagkerfið og ef ríkissjóður tekur þátt í þeim mun hann fá verulegan hluta kostnaðarins til baka. Ef þessi leið er farin mun hún koma að miklu gagni fyrir mjög marga og er auk þess miklu sanngjarnari þar sem allir sitja við sama borð. Þá skulum við ekki gleyma því að mikið af þessum lánum voru afskrifuð verulega þegar þau fóru inní nýju bankana og afkomutölur þeirra sýna að þeira geta tekið þetta á sig.Þetta verður hinn endanlegi prófsteinn á þessa ríkisstjórn. Er hún norræn velferðarstjórn eða stjórn sem hugsar framar öllu um velferð fjármagnseigenda?

Rætt um verulegar afskriftir

Engin vandamál... bara lausnir.

Hvernig væri nú að Toyota á íslandi breytti auglýsingum sínum í samræmi við raunveruleikann? Staðreyndin er sú, að Toyotaverksmiðjurnar hafa orðið að innkalla milljónir bíla á unanförnum misserum vegna margskonar galla í mögum gerðum þessara bíla. Ég hef reyndar aldrei skilið hvað fær fólk til að kaupa þessa bíla. Verðið  miklu hærra en á öðrum bílum sem þó eru miklu skemmtilegri til aksturs.Jepparnir eins og traktorar miðað við bandaríska Cherokee jeppann. Aulýsingin gæti hljóðað svona. Mörg vandamál, dýrar lausnir. 

199 Lexusbílar innkallaðir

Laukrétt.

Stjórnarskrár þjóða hafa löngum verið ofmetið fyrirbæri. Reyndar nánast einskisnýt plögg. Flestar stjórnarskrár einræðisríkjanna eru yfirleitt þannig að þar eru mannréttindi tryggð í bak og fyrir. T.d. stjórnarskrár gömlu kommúnistaríkjanna og verstu einræðisríkja Afríku og Asíu. Æðibunugangurinn við nýtt stjórnlagaþing hér er gott dæmi um ranga aðferðafræði. Býst fólk virkilega við því að það skili nokkru? Halda menn að hugarfar breytist skyndilega ef við breytum stjórnarskránni? Bretar hafa t.d. nánast engar skráðar reglur um stjórnlög. Reglurnar eru óskráðar og duga mjög vel. Forsætisráðherrann sem tapar í kosningum labbar samdægurs út úr Downingstræti 10. Kvótakerfið hér sannar að það er til lítils að tryggja landsmönnum öllum eignarrétt á fiskimiðunum eins og gert hefur verið hér. Okkur íslendingum er mismunað mjög þrátt fyrir ýmis lagaákvæði um að það sé bannað. Lögmál frumskógarins eiga hér langa hefð. Réttur hins stóra og sterka til að troða á hinum smáa hefur löngum loðað við hér. Ég treysti Sigurði Líndal einum til að gera skynsamlegri leiðréttingar á stjórnarskránni heldur en 1000 manna blaðursamkundu.

Engin þörf á heildarendurskoðun stjórnarskrár

Ekki ný sannindi.

Það hefur alltaf legið ljóst fyrir að engin ríkisábyrgð er á icesave skuldinni þó Steingrímur Sigfússon vilji ólmur borga hana. Afarkosti, sem bretar og hollendingar settu okkur og Svavar samþykkti af því hann nennti ekki að hanga lengur yfir þessu, eins og hann orðaði það sjálfur. Það er auðvitað sjálfsagt að afhenda þessum þjóðum tryggingasjóðinn sem mun vera um 17 milljarðar og láta þá um þrotabú landsbankans. En ekkert umfram það. Allt er þetta mál tengt AGS og ESB umsókninni. Samfylkingin hefur fjármálaráðherrann algjörlega í vasanum enda stóllinn honum meira virði en allt annað. Ég vona að Lilja, Ögmundur og fleiri þingmenn standi við sannfæringu sína. Engu skiptir hvað hátt syngur í hörðustu stuðningsmönnum ríkisstjórnarinnar. Þeir kalla ábyrga afstöðu Lilju lýðskrum Ekkert er fjarri sanni. En tilgangurinn helgar meðalið að venju. Einlægni, heiðarleiki og staðfesta er ekki lýðskrum. Vonandi er þessi ríkisstjórn að syngja sitt síðasta, enda alls ekki á vetur setjandi. Það er bókstaflega knýjandi nauðsyn á að losna við Steingrím og Jóhönnu úr pólitíkinni strax. Það væri góð byrjun á hreinsuninni sem verður að gera. Þetta þjóðfélag er enn gjörspillt. Bankarnir, þingið, stjórnsýslan og jafnvel dómstólarnir. Kannski er það borin von að þjóð í hlekkjum hugarfarsins eigi sér viðreisnarvon. Ég ætla þó að vera bjartsýnn enda fleytir það fólki oft áleiðis.

Ríkið ber ekki ábyrgð

Fábjáni?

Hann gerir það ekki endasleppt þessi fjármálajarðfræðingur. Hann kann ekkert og vill ekkert læra. Sest niður við skrifborðið og reiknar út hvað hann fái mikið inn með því að hækka þetta svona mikið og hitt svolítið meira. Á sama tíma lækkar kaupið. Hann hækkaði verð á áfengi með þeim afleiðingum að salan skiliaði minni tekjum í kassann en áður. Ósanngjarnasta skattheimta sem upp hefur verið fundin er erfðafjarskatturinn. Fé sem margbúið er að skattleggja uppí rjáfur. Lýsir vel hvern mann þessi ráðherra hefur að geyma. Öll loforð frá stjórnarandstöðuárunum eru gleymd og grafin. Ráðherrastóllinn virðist vera honum allt. Manninum sem ég dáði meira en flesta aðra stjórnmálamenn á árum áður. Nú fyrirlít ég hann takmarkalaust. Það er gamla sagan að uppskeran verður jafnan í samræmi við sáninguna. Það er brýnt verkefni að losna við þennan ráðherra úr stjórnmálunum strax. Reyndar gildir það sama um allflesta þingmenn sem nú sitja á þingi.

Ætla að hækka skatta

Þjóðstjórn?

Þetta er nú ekki algalin hugmynd hjá doktor Össuri. Það væri þó enn snjallara að mynda 4ra flokka stjórn VG, sjálfstæðisflokks, framsóknarflokks og hreyfingarinnar. Fækka ráðherrum í 6. Össur hefði þá nægan tíma til að skrifa um sjóbirtinginn í Skaftafellssýslunum. ESB ruglið væri sjálfdautt og þar myndi sparast óhemjufé. Hversvegna heldur fólk að furstarnir í Brussel hafi samþykkt að hefja aðildarviðræður við okkur? Þeir hafa ofveitt fiskistofna þjóðanna í þessum samtökum og horfa hýru auga til fiskimiðanna okkar. Við eigum heilmikla vatnsorku, heita vatnið og gufuna, ómengað ferskvatn og stóra landhelgi. Þráhyggja samfylkingarinnar í að komast í þetta fjölþjóðabandalag er bara meinloka. Reyndar er hún til í öllum stjórnamálaflokkunum. Það er þó nánast örguggt að verulegur meirihluti íslendinga vill þetta ekki. Við verðum evrópuþjóð áfram og höfum og eigum að hafa góð samskipti við evrópuríkin eins og aðrar þjóðir. Látum ríki evrópusambandsins sjálf leysa sín eigin vandamál. Vandamál sem eru risavaxin í sumum þeirra. Drögum þessa vanhugsuðu umsókn til baka, gefum SF frí í bili og hefjum sókn á nýjum miðum.

 

 

Össur hlynntur þjóðstjórn

Hinn auðsveipi þræll.

Hvernig væri nú að formaður VG risi upp til góðra verka? Þjónkunin við forsætisráðherrann hefur gengið allt of langt. Ég fylgdist vel með Steingrími föstudaginn fyrir kosningarnar í fyrra. Einkum vegna þess að ég var viss um að hann yrði spurður um afstöðuna til ESB. Ég hafði kosið VG allt frá stofnun flokksins 1999. Tekið þátt í baráttunni sem fótgönguliði án þess þó að vera í flokknum. Þetta kvöld afneitaði Steingrímur ESB. Ég hafði aldrei reynt hann að öðru en heiðarleika. Það tók þennan gamla baráttujaxl aðeins rúman sólarhring að ganga á bak orða sinna. Og nokkru síðar studdi hann í atkvæðagreiðslu að sækja um aðild. Ég hef alltaf lagt mikið uppúr að fólk standi við loforð sín. Þetta eru einfaldlega algild sannindi. Nú segir Steingrímur að auðvelt sé að skilja gremju fólks vegna ESB þvælunnar. Samfylkingin hefur lengst af verið hugsjónalaus moðsuða. Jafnvel verri en gamli krataflokkurinn. Steingrímur hefur ávallt lúffað fyrir kröfum SF. Tekur alltaf undir sjónarmið SF sem einungis vill sitja við kjötkatlana og deila og drottna. VG er á villigötum. Ef Steingrímur tæki nú meira mark á samþykktum síns eigins flokks, stæði við gefin loforð og hlustaði betur á marga fótgönguliðana gæti hann endurheimt nokkuð af traustinu sem hann hefur glatað. Tækifærið er einmitt nú. Leggjum ESB delluna til hliðar strax í dag. Steingrímur á völ á miklu skárri bandamönnum við uppbygginguna en SF. Setjum SF endanlega út í kuldann. Þar á hún heima um eilífan aldur. Þá verður VG öflugur flokkur á ný til farsældar fyrir land og þjóð.

Skilur lítinn stuðning við ESB

Madame framsókn.

Nú virðist stefna í andlát framsóknarflokksins. Hann er nú á tíræðisaldrinum svo það er ekkert undarlegt þó hann sé orðinn hrumur. Einu sinni var þessi flokkur nokkuð sterkur meðal þjóðarinnar. En allt er í heiminum hverfult. Þessi gamli bændaflokkur á engan tilgang lengur. Gegnrotinn af spillingu og innbyrðis sundrungu. Ungu mennirnir sem segja hann endurnýjaðan breyta engu. Töff gæjar í flottum fötum. Halldór Ásgrímsson gjöreyðilagði þennan flokk. Flýði af hólmi en því miður allt of seint. Ég held að best sé fyrir núverandi foringja að hefjast handa að undirbúningi jarðarfararinnar. Ég ætla reyndar ekki að mæta heldur fagna heima hjá mér.

Almannagjá Framsóknar