Nú.

Er þetta hinn iðrandi syndari sem reyndi að biðja þjóðina afsökunar í sjónvarpinu og sagðist neyðast til að lifa með því em hann hefði gert?

Heildarkröfur Bjarna 4 milljarðar

Alþýðuforinginn hóflegi.

Lýðræðissinninn sem nú vermir stól fjármálaráðherra veit sannarlega hvað okkur er fyrir bestu. Hann vill líka taka hóflegt tillit til andstæðinga sinna. Hann lauk þó ræðu sinni í gær með því að endurtaka að þeir væru að þvælast fyrir honum. Vg hefur 14 þingmenn og Steingrímur J. Sigfússon veit fullvel að 5 þeirra eru á móti nýjustu útgáfu hans á icesave frumvarpinu. Það þýðir einfaldlega að það er ekki þingmeirihluti fyrir málinu. Tveir þingmanna VG, Lílja Mósesdóttir og Ögmundur Jónasson sögðu nei í gær. Það vita allir um afstöðu Guðfríðar Lilju og Atla Gíslasonar. Og þó Ásmundur Daðason hafi sagt já í gær lýsti hann því jafnframt yfir að það segði ekkert um um endanlega afstöðu hans. Steingrími er að vísu nokkur vorkunn að þurfa að standa í þessum óþveraskítverkum. En hann er nú ekki maður að meiri að ætla að þvinga nokkra þingmenn Vg til að hlýða og leggja sannfæringu sína til hliðar. Hann hefur örugglega unnið sér inn mörg prik frá vinum sínum í samfylkingunni á síðastliðnum vikum. Hann virðist vera sáttur við það. Staðreyndin er hins vegar sú að þessi gamli baráttumaður þjóðhollra íslendinga er í mjög slæmum félagsskap um þessar mundir. Margir sem kusu Vg í síðustu kosningum eru mér sammála í þessum efnum. Er ekki einfaldast fyrir þennan kjaftfora sveitapilt að ganga bara í samfylkinguna?

 

 

 

 

 

Óvissa um hvenær Icesave- frumvarpið verður afgreitt

Karlremba.

Karlremban í þessari frétt er eins og við mátti búast. Þó Tiger sé frægur og virðist aðlaðandi maður er þó greinilegt að hann á sjálfur sök á hvernig komið er fyrir hjónabandi hans. Svo er talað um að hann hafi ekki tekið ákvörðun um hjónabandið. Hvað með þessa fallegu konu hans? Hún er líklega algjört aukaatriði. Og hugleiðingar um verkjapillur og og afleiðingar af inntöku þeirra eru bara hlægilegar. Það er reynt að finna réttlætingu á gerðum þessa ágæta golfleikar.Stundum verður fólk einfaldlega að taka afleiðingum gerða sinna og ég er ekki hissa á að eiginkonan hugsi sinn gang.

Eiginkonan farin frá Tiger

Ný pólitík.

Það er lengi von á einum segir máltækið. Hvað meinar Steingrímur? Hvað er það sem hann getur sagt formönnum stjórnarandstöðuflokkanna sem við hin megum ekki fá að vita? Er þetta nýjasta pólitíkin og gagnsæið? Það er ekki fallegt að sá fræjum óttans með því að ýja að einhverju svo hærðilegu að það megi ekki nefna það úr ræðustóli á Alþingi. Út með sprokið Steingrímur og það strax.

Verður að klára Icesave af ótilgreindum ástæðum

Ríkisstjórn lítilmagnans.

Þessi ríkisstjórn er hugmyndasnauðasta fyrirbærið á landi hér. Kennir sig við velferð. En velferð hverra? Allt það sem talið er upp hér að framan bitnar harðast á þeim efnaminni og þeim sem skulda mest í íbúðum sínum. Ef stjórnin stæði í lappirnar en lægi ekki flöt fyrir stórþjóðum evrópu myndi hún hugsanlega standa öðruvísi að málum. Skuldir glæpamanna skulu greiðast uppí topp af okkur lýðnum. Það kostar of mikið að leiðrétta okkar skuldir á sama tíma og peningum er ausið í stórfyrirtæki sem þjófarnir höfðu holað að innan. Fólk kannast við Sjává, er það ekki? Dæmin eru út um allt. Er yfirleitt snefill af heilbrigðri hugsun í hausnum á ráðherrum ríkisstjórnarinnar? Ég er farinn að efast mjög um það.

Bensínið kostar 60.000 meira

Yfirburðafólk?

Það hefur lengi loðað við Alþingismenn að þeir telja sig ákaflega merkilega og mikilvæga. Gnæfa yfir okkur pöpulinn í gáfum og öðrum mannkostum. Verða betur fallnir til annara starfa eftir að setu á þingi lýkur. Þetta á við um þingmenn allra flokka. Steingrímur J. efaðist t.d. ekki um hæfi Davíðs Oddssonar til að verða seðlabankastjóri þó hann skorti alla menntun til þess.Hann hafði verið þingmaður og ráðherra og það var gæðastimpillinn sem tók af allan vafa. Fólk verður sjálfkrafa yfirburðamanneskjur ef það hefur einhverntíma slysast inná þing. Þetta er auðvitað hrein della. Það er líka löngu alkunn staðreynd að valdið spillir. Það sannast á þessari ríkisstjórn eins og öllum öðrum ríkisstjórnum. Með örfáum undantekningum taka menn völd fram yfir flest annað. Sannfæringu sína einnig. Hinn rotni hugsunarháttur er lífseigur. Sitjum meðan sætt er. Þjóðin, ég og þú, berum auðvitað okkar ábyrgð á þessu. Sum okkar sætta sig við að dæmdir þjófar séu kosnir á þing eftir að æra þeirra hefur verið hvítþvegin. Vegna brota sem framin voru í skjóli trúnaðar. Beysið siðferði, eða hitt þó heldur. Fyrrum bankamálaráðherra sem af sýndarmennsku sagði af sér korteri fyrir kosningar var kosinn fyrsti þingmaður okkar sunnlendinga.Því miður eru engar blikur á lofti um breytingar. Núverandi ríkisstjórn sem stærir sig af að vera hrein vinstristjórn og vilji velferð og jöfnuð er ekki hótinu skárri en hinar. Hún raðar vinum sínum á garðann og brýtur stjórnsýslulögin eftir þörfum. Það örlar ekki á siðbót hjá þessari ríkisstjórn. Spillingin og ættartengslin munu ráða ríkjum áfram. Þau voru fögur fyrirheitin um skjaldborgina sem átti að slá utan um heimilin í landinu. Það er ekki hreyft við neinu. Kúlulánþegi er nú bankastjóri eins ríkisbankans og deilir þar og drottnar. Það virðist alveg hulið fólki í þessari ríkisstjórn að stundum þarf að skera á kýlum. Graftarmein spillingarinnar og græðginnar lifir enn góðu lífi. Smitberararnir eru ekki fjarlægðir og stórþjófarnir enn óáreittir við iðju sína. Það örlar ekki á nýrri hugsun hjá valdamönnum þessarar þjóðar. Sami grautur í sömu skál. Búsáhöldin eru þögnuð og við fljótum sofandi að ósi feigðarinnar. Hvenær skyldum við gera tilraun til að snúa blaðinu við?

Pínulítið hér og þar.

Það verður ekki af Steingrími skafið að hann virðist hafa ótakmarkaðan vilja til að uppgötva nýja skatta.Nú er það heitavatnið sem meirihluti þjóðarinnar notar til að hita upp hús sín. Enn einn neysluskatturinn sem bitnar meira á þeim sem minnst hafa en hinum sem hærri hafa tekjurnar. Þetta er bara afar sorgleg staðreynd. Ég er alveg hættur að botna í þessum manni. Manninum sem ég hef stutt allt frá því hann stofnaði VG. Nú bíð ég eftir því að hann leggi skatt á köttinn minn. Margir eiga gæludýr og þarna er örugglega hægt að ná í nokkrar krónur upp í vextina af icesave. Þrælafjötrana, sem þessi alþýðuforingi leggur svo ríka áherslu að viðja okkur í. Hann er svo sem ekki öfundsverður af drulludíkinu eftir hrunflokkana 3, íhald, framsókn og SF. En er ráðherradómurinn svona dýrmætur? Stóllinn svona mjúkur og völdin svona sæt? Er það þess virði að sitja í ríkisstjórn með SF og láta þann flokk hafa frjálsar hendur varðandi ESB málið og þurfa að svíkja loforð sem þessi ráðherra gaf kvöldið fyrir kosningarnar í vor?  Stuðningi mínum við þennan mann er lokið og vonbrigðin eru virkilega sár og nöturleg.

Nýtt gjald á heitt vatn

Lítið í eigin barm.

Það er góðra gjalda vert að leggja til bætt siðferði.En það er einkennilegt að beina tilmælum til stjórnvalda um að koma í veg fyrir að siðferðið sem tók völdin þegar þeir Halldór og Davíð gáfu vinum sínum bankana nái fótfestu að nýju. Hefur siðferðið eitthvað breyst? Ekki sýnist mér það nú.Mikið af sama fólkinu er enn við stjórn bankanna. Þar hefur engin hreingerning verið gerð. Sumir sem þar voru eru reyndar orðin áhrifamenn á mála hjá ríkisstjórninni og gera stórar kröfur í gjaldþrotabú gömlu bankanna. Og þegar það er gagnrýnt er gripið til þessa að segja að aurarnir muni renna til góðgerðarmála. Það eru nú aldeilis göfugheit.Græðgin ræður enn ríkjum. Ekki einn einasti útrásarvíkingur eða bankastjóri hefur viðurkennt minnstu mistök eða ábyrgð á kaosinu. Það er til heill hellingur af fólki með óflekkað mannorð sem gæti tekið við eftir að hreinsað hefur verið til í gjörvöllu fjármálakerfinu og eftlitsstofnunum þess. En stjórnvöld virðast bara engan áhuga hafa á því. Við erum enn á kafi í spillingu ættartengsla og einkavinavæðingar.

Sparisjóðir vilja bætt siðferði

Smjörþefur.

Þetta er bara byrjunin. Smjörþefurinn af því sem koma skal. Hvernig má það vera að VG skuli taka þátt í þessu skelfingarferli, þvert á yfirlýsta stefnu flokksins um að hagsmunum okkar sé best borgið utan ESB?  Fjarmálaráðherrann hamast nú við að skera niður og leggja á nýja skatta til að fylla uppí fjárlagagatið. Það er þó ekki horft í fjármunina sem kastað er í þessa umsókn sem vitað er að er gegn vilja meirihluta þjóðarinnar og sá meirihluti virðist sem betur fer fara vaxandi. Er öllu fórnandi fyrir hina hugsjónalausu valdafíkla Samfylkingarinnar, sem fara sínu fram óáreittir í þessu máli? Hvernig væri nú að Steingrímur J. Sigfússon stæði upp úr svaðinu, framfylgdi yfirlýstri stefnu flokks síns, og stígi harkalega á bremsurnar?

Tölur tefja ESB-viðræður

Vel við hæfi.

Þá hefur nýju sauðargærunni verið gefið nafn. Sýnir vel að ekkert hefur breyst í innviðum þessa banka. Ég átti í viðskiptum við fjörvörslufyrirtækið Arion á sínum tíma. Þar lenti skuldabréf sem ég var skuldari að. Innheimtuþóknun Arion var u.þ.b. þrefalt hærri en af öðrum bréfum sem ég var skuldari á. Besta nafnið hefði verið FJÁRPLÓGUR GRÚPP.

Kaupþing verður Arion banki